28-04-2012, 09:27 PM
#1
منتديات ال حبه العلمية والتقنية
تاريخ التسجيل: Aug 2011
الدولة: المنطقة الشرقية
المشاركات: 20,021
معدل تقييم المستوى:
227
اوسمتي
يابوي تدري خاطري دوم يطريك
يابوي تدري خاطري دوم يطريك
ماغاب طيفك والسبب يوم فرقاك
(تدري دموعي سايله بس تبكيك
والعين تذكر ضحكتن في محياآك)
ماكان في بالي يجي يوم وارثيك!!
طالبك تعذرني لاجل قلب اغلاك
يابوي قصرك يسأل يقول شفيك
دمعات عينك تهطل اليوم وش جآك
قلت اعذرني ياقصر جيتك أعزيك
بالي رحل عني وعنك وخلآآك
الي رحل ماقول شخصن سكن فيك
الي رحل زينك بيده وسوآك>> ياجعل هاليمين ماتمسها النار
فوق الثلاث عقود راحت مبانيك
ودع اهله ثم ودع زواياك
صاح القصر يصرخ بصوته يناديك
هونت حاله قلت بالبال ذكرآك
يابوي تذكر يوم انا كنت اقهويك؟
واعطيك انا الفنجال وتمدلي يمناكـ
ولا من لفاك الي يدور سواقيك
شافك كريم والكرم في عطاياك
رجال كلمه مابها اي تشكيك
بنت معانيها بصافي نواياك
كلن بكاك اليوم محدن بناسيك
حتى (صغير السن )ماضن ينساك