حنين خـل مات مـن هُولْ بلواه

20-02-2011, 01:02 AM

بيتٍ قـريته ما أعتقد أنـي أنسـاه
. . . . . . . . . . بيتٍ عمــيـق إحـساس يـاكـاتـبـينـه

تـنور عـيـونـي كل ماجيت أبقراه
. . . . . . . . . . مخـطوط من لولو وجـواهـر ثميـنه

بيت القصيد اللي خذا الفكر معناه
. . . . . . . . . . بـيـت الــوفـا بالــحب يــاخـايـنـينه

بيتٍ خذا حـرفي قصيد ومجاراه
. . . . . . . . . . والبيت فـي فـكــري يَــدَوٍيْ أنينـه

لو ماقريت من الشعر غير إياه
. . . . . . . . . . في ذمتي يكـفـي ويكفـي بـعـيــنـه

حنين خـل مات مـن هُولْ بلواه
. . . . . . . . . . والـقـلب باقي في وفـاه وحـنيـنــه

القلب ينبض حب خل تنـاسـاه
. . . . . . . . . . والنـبـض من فـقـده تَسَمَعْ ونيـنــه

يـذوب عرقه كـل ماحل طرياه
. . . . . . . . . . حــزنِ عـلـى فـراقــاه يـا لايمـينــه

حتى الصدى مارد صوتٍ توحاه
. . . . . . . . . .كـل الأمــاكـن مـن فــراقـه حزينــه

هذي سـوات الحـب هذي بلاياه
. . . . . . . . . . واللي بـلـش بالحب نفـسـه سجينه

يسهر طوال الليل والنوم يجفاه
. . . . . . . . . . تشــرد بـه أفـكـارٍ تـبـيـح كـنـيـنـه

يطـلق قـصـيده لأجل خله وينصاه
. . . . . . . . . . ويـنسى عـيـوبــه ويــتغــزل بزينه

ويردد أبيات الشعر لاتـجـافـاه
. . . . . . . . . . خـلـه وقـــال: البيت هذا بـعيـنـه

( مت وقليبـي واصـلٍ لـك بشكـواه
. . . . . . . . . . علك تصـون الحـب بينـك وبينـه )