السلام عليكم ورحمة الله وبركاته
وصلتني أبيات للشاعر / جولان
فأرسلتها لعدد من الشعراء فكان لهم تفاعلهم مع أحداث غزة
يقول جولان :
عذرًا لكم يا شيوخ وأطفال غزه = يا أخواننا في الدم والعرق والدين
لو في العرب ذرة كرامه وعزه = غاروا على حشمة عذارى فلسطين
فكانت الردود كالتالي :
الشاعر / خلف الكريع
ياسادة العرش المجيد المنزه = كم للثكالى ينتخن: يا سلاطين!!
لله .. قلبٍ عارهن ما يهزه = لا صاحن من الذل : (وين الملايين)؟!
الشاعر / ماجد المري
ما غير كشخه فالمجالس ورزه= وإلا الكرامه داسها وقتنا الشين
ما عاد نبغي غير كزه ودزه= ونحرق يهود القدس وتغمض العين
الشاعر / نفاع العنزي
في كل وقت وكل ساعه وحزه = ودم العرب يقطر وحكامنا وين
أشجعهم اللي فز له فزه = يشجب ويستنكر هجوم المعادين
وأرسل وزير الخارجية يرزه = والحرب تطحن في رحاها المساكين
متى تجي ذي قار فخر ومعزه = ويرجع صلاح الدين ويرجع الدَين
الشاعر / سند مطر
نصيح من جرح الكفر كل حزه = والذل عنوان العرب بالميادين
سيوفنا.. بدروعهم .. ما تهزه = نبغى السلامه بس ياللاسف وين
الشاعر / عبدالعزيز الجلعود
والله ماعاد اقدر اكتب ولاشي = واحداث غزه آخر العام عظمى
يهود ترمي لا ظهر له لحم ني = وأسودنا وسط الشوارع وترمى
الشاعر / حمد الدليهي
اسم العرب عنا بعيد ٍ منزه = وقت الشدايد فعلنا بين قوسين
ما غير دشادشه ومشلح ورزه = ما همنا الا ندبل الرز كيسين
وسوف نضيف إن شاء الله
أي ابيات تصلنا ثم الموضوع..
فـ
حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل
الدعاء الدعاء لمن لا يعجزه شيء في الأرض ولا في السماء