الأصل طيب والذهب في سطـوره

مالي غنى لو قلت مانيـب محتـاج
شلون ينسى الغصن مدة جـذوره
ربيت في حضنك بلا هم وازعـاج
رباني اللي عشت راهي عصـوره
جدي عسـاه بجنـة الخلـد دواج
اللي تعيش المرجلـه فـي قصـوره
وابوي راعي الطيب وسراجه سراج
اعيش تحت امره واضـوي بنـوره
ذولاك روزة ديرتـي قمـة التـاج
ريف الضعيف اللي تصافق بحـوره
ماهي غريبه ذكرهم بالشيـم راج
الأصل طيب والذهب في سطـوره
قد قال ابوي وعشت ما قال منهاج
اللي يدور طيب يعـرف جسـوره
وانا دريت ان ديرتي دونها سيـاج
ما يدخله غير الرجـال النمـوره
فران يانورالقمر وسـط الابـلاج
فران يـا طهـر المطـر ياغـروره
انتي تعديتي علـى روس الابـراج
طاولتي نجوم السما يـا جسـوره
عشتك ولا دورت لي منك مخراج
من عاش حبك ما يفكـر يبـوره
يموت ابووجهين ما يدخلـك داج
بيت الشرف لا يمكن انـه يـزوره
فران والله لو تباعـد بنـا فجـاج
يبقى الهوى للدار معلـن حضـوره
ربيت في حضنك بلا ضيق وازعاج
الأصل طيب والذهب في سطـوره
محتاج لك لو قلت مانيب محتـاج
شلون ينسى الغصن مدة جـذوره

يموت ابووجهين ما يدخلـك داج
بيت الشرف لا يمكن انـه يـزوره
سلمت يداك ابا نايف
رائع بكل ما تعنيه الكلمه
لك كل الشكر والتقدير

محتاج لك لو قلت مانيب محتـاج
شلون ينسى الغصن مدة جـذوره

سلمت يداك على هذا الطرح الجميل

ذولاك روزة ديرتـي قمـة التـاج
ريف الضعيف اللي تصافق بحـوره
ابونايف
اختيار رائع جدا جدا
وتسلم على هالذوق

بسم الله الرحمن الرحيم
صح لسانك ولسان القائل