خلها فـ القلب.. وانسى.. لاتفكر
دام شيً راح.. لاتحسب حسابه
لو هقيت بيوم إن بالك.. تعكر
هي كذا الدنيا.. ماهي دايم.. طلابه
بس لاتنسى بعد هذي.. تذكر
مايطيق الجرح.. من ذاق الإصابه
مثل صدمات الرفيق.. إليا تنكر
خابت الهقوه.. وخاب اللي.. هقابه
البخيل اللي قفل بابه.. وسكر
ما..أظن ان الكريم.. يطق بابه
ومن جهل فرقا.. المؤنث والمذكر
لاتحرى منه.. مضمون الإجابه
ومن يسوى به جميل.. ولاتشكر
مايعرف المرجله.. حظرة جنابه
وانت ياللي جامعً بالملح.. سكر
ضعت مابين.. التناقض والتشابه
لانظرتك قلت.. نورالصبح بكر
كيف جاء (مدري) لكن الله جابه
المهم ...ابيك تنسى.. لاتفكر..
دام شيً راح.. لاتحسب حسابه