... الضيق ...
الضيق ضيفٍ .. زارني مادعيتـه
يومه غمرني في وفـاه وغمرتـه
...
ان ماعمرت من اصدق الشعر بيته
ولاَ سكـت ولا غلطـت ودمرتـه
...
جرحي وله مني صبرت ورضيتـه
وحزنٍ ملى عينـي لعينـه ذخرتـه
...
الوقت تمدح هرجة النـاس صيتـه
وانا ماأشوف إلا تجهم غبرتـه !
...
ليته تجمل فـأول العمـر ليتـه ...
ان كان يمديني رضيـت وشكرتـه
...
كم قلت لي شيءٍ وانـا مابغيتـه !!
وكم شيء ابيه ولا قويت وذكرته !!
...
الا غرامك لا سرحـت ولقيتـه..
في درب بالي دون ماأشعر نثرته ..
...
على الورق يمكن لو انـك قريتـه
تدري عن اللي في غيابك شعرتــه
...
جفني على جمر السهر كم حديتـه
وقلبي على رمضا الرجاء كم جبرتـه
...
واذا سهيـت ومـال دمـعٍ كنيتـه
صديت عنه وقبل الومه عذرتـه !!
...
كلٍ عرف جرحك وانا مـا حكيتـه
أخاف اقوله واعتبرني (هجرتـه)!!
...
خله بصدري كـل ماضقـت جيتـه
ولا متى ما جيـت فالبـال زرتـــه
...
الى هنا ...قلي وش اللـي نسيتـه
عن حال حالي في جفاك وخبرتـه
...
الى هنا ...ماقلـت شـيءٍ بغيتـه
واللي عجزت ولا قويـت وذكرتـــه
...
علمٍ يخايلنـي ....وانـا ماسقيتـه
اخاف يظهر ...ونتقاسم ثمرتـه !.
الضيق ضيفٍ زارني مادعيته ..
العرض العادي
