الشعب السعوديه والشغاله الغاليه على القلوب

الشعب السعوديه والشغاله الغاليه على القلوب)(^^
بسم الله الرحمن الرحيم
محمد :يمه وين ثوبي..؟؟
الأم:قل للشغاله تعطيك اياه
نوره :يمه وين استشواري ..؟؟
الأم:قولي للشغاله تدوره..
سديم:يمه وين ألعابي..؟؟
الأم :قولي للشغاله تنزلها من فوق..
الأب:ام محمد وين مفتاحي..؟؟
الأم قل للشغاله تعطيك اياه(باب ما جاء في المبالغه)
الحرمه السعوديه أو الخليجيه بصفه عامه:الشغاله ثم الشغاله ثم الشغاله
يعني شوي وبيقولون لها تعالي غيري لنا القناة..!!>>على أساس بتوافق بس
يعني من كثر ما الشغاله واثقه أنها بتجلس لو وش سوت,, صاروا شايخين على أمهاتنا والله
يعني بعض الأمهات كل أبو شي على الشغاله يعني فيه مثل يقول :ما حك جلدك مثل أظفرك..
يعني الشغاله موب مهتمه مثل الأم ولا حتى بعها ليش أعطيها كل أمور البيت ..؟؟
اذا كانت الشغاله ترتب وتنظف وتكنس وتطبخ وتهتم بالأطفال الزوجه الغاليه سؤال وجيه وش فايدك؟
المشكله صار فيه تطورات أول ما تتزوج تلقى وراها شغاله..!!يمكن من ضمن عقد الزواج والشروط
لا ويقولون ليش ما ننحف لا شغل ولا مشغله أربع وعشرين ساعه نوم او طلعه وكل شي ع الشغاله
الا من رحم ربي طبعا تقديري لهم بصراحه غير المشاااآكل اللي يجيبونها لنا ..
قبل فتره صارت قضية الولد اللي حطت له السم في الحليب يعني طفل وش ذنبه..؟؟قلوبهم حجر
موقف ثاني:
ساره :يمه وشذا الدلع كله للشغاله ..؟؟صرنا احنا الشغالين عندها موب العكس..!!
الأم:وخري عن وجهي بس بنت الفلوس نفعتني والى بنتي ما نفعت ..!!
ساره :يمه لا تقومين بروح أخلي الشغاله تصلح الشاهي..
الأم:لا خليها بروح انا عنها..!!
خالد :ميري ميري وين ثوبي حسبي الله كل شي ما تحطينه في مكانه
الأم:قصر صوتك ولا ترفعه عليها تراها نافعتني أكثر منك أنت ووجهك
النتيجه:الأعمتاد الكلي على الشغاله..والدلع كلها لها ..
موقف ثالث :
الأم:يا أبو عبدالله الشغاله شابه بتروح ورمضان ما بقى عليه الا شهرين..!
الأب :والله ما أقدر يا أم عبدالله على التقديم من جديد هالفتره أصبروا بدون شغاله كم شهر ما يكون الا الخير
الام :فيسها حاليا لا مستحيل البيت كبير والعيال وغثا لا لازم شغاله لو أجار..
الأب:ما فيه ما أقدر والله أنتي وش عندك لا دوام ولا شي اكرفي شوي وانحفي .
هنا الأم:
*******************************************
طيب ليش هذا كله لو الزوجه متعوده على التنظيف بنفسها أتحداها يجيها اكتئاب اذا قالوا بتروح الشغاله اهم شي ما تدخل الشغاله في البيت ابد يعني من تتزوج ما تجيب شغاله وبكذا تتعود..
أساسا الفكره نفسها ان وحده ما اعرفها ولا تعرفني ويمكن بعد صاحبة سوابق تجي وتنوم في بيتي !
************************************************** ************
بعض من مواقف الشعب مع الشغالات:
قضية الولد اللي سبق وذكرتيها اتوقع تكفي والله..
والشغاله اللي جت تنحاش وخذت معها الولد الصغير طيب بتهجين روحي بلحالك وش دخل الولد
وكانت متجهه الى مكه يعني بتقطع يدينه ورجوله وتخليه يشحد لكن اللحمد الله ربي كشفها ومسكوها
الشغاله اللي حطت سم للعائله كلهم وقبل فتره توفوا للأسف
الشغاله اللي كانت ساحره كل البنات اللي في البيت تخليهم ما يكملون الدراسه ولا يهتمون بأنفسهم
ولا اي شي وكانت حاطه السم في كل البيت ..حسبي الله
الشغاله اللي كانت مشغله المويه الحاره على الولد الصغير مولود ي عمري يعني وش ذنبه ..؟؟
وكلها حصلت في الأواني الأخيره يعني وين اللي يعتبير بس لا والحين مسكرين الأستقدام من اندروسيا
على ايش عاد احنا اللي مفروض ما نستقدم الله الغني عنكم ..
وفي النهايه اللي خلاني اكتب هالموضوع المواقف اللي أشوفها واللي انتشرت كثيييير غير طبعا
الأعتماد الكل كلي على الشغاله ..

للاسف هذا صحيح صارت الشغالة الام الروحي لكثير من ابنائنا والامهات في الاسواق ويدرجون عند الجيران

لا لا لا الشغالة كل شيء ولازم منها بيت بيت
زنقه زنقه دار دار.
بعض الاباء في النهاية يتزوج الشغالة لانها كما قال
ابن سينا الام الروحي للبيت .
موضوع رائع.

موضوع شيق أخي صقر البوادي
ولكن كل هذه الامور ستصبح سراب في حاله واحده فقط
وهي أن تعود المرأة إلى عملها الأساسي ( ربّة بيت )
أمهاتنا وجداتنا خرّجوا أجيال تفتخر بهم الأمه
وجعلوهم يعتلون منابر المعرفة في كل المجالات
الله يحفظنا وأياكم وجميع المسلمين من مكروه

موضوع جيد
تشكر عليه
وان كان الشعب السعودي ما فيه امل يستغنوا عن الشغاله