أنـا يــتيم

تدري وش اللي يجرح القلب جرحيـن ويمـد حبـل الحـزن فيـك ويشـدة
انك تناظر طفـل مـن غيـر ابويـن يمشي ودمعـه سايـل فـوق خـده
منظر صعيب ويقسم القلـب قسميـن لا قـام يمسـح دمعـة بكـف يـده
يمشي ولا يدري طريقه علـى ويـن لين التعـب مـن كثرمـا تـاه هـده
اثقل حـروف يشيلهـا فيـه حرفيـن لا أب يـدريـبـة ولاأم تــــرده
في خطوته رحلـة ودمعـة وسكيـن وحـظ توسـد بالمراسـي مـخـدة
جيت اسألـه بالله قللـي ولـد ميـن وبغي يجـاوب واختنـق صـوت رده
(أنـا يتيـم) ومـا دربـي عناويـن وجزر الحزن فينـي يسـاوي لمـدة
وطعم الطفولة ما عرفته لـه لحيـن وثوب السعادة صـرت مانيـب قـده
ابكي إلى من شفت غيـري سعيديـن ليـن البكـا فينـي يوصـل لـحـده
واقفي ورحت امسح دموعي من العين وعيني تناظـر دمعتـه فـوق خـده
وهذا اللي يجـرح القلـب جرحيـن ويمد حبل الحـزن غصـب ويشـدة

كلمات الشاعر:سعد بن جزاءالميموني (( جنون)) صوت وادي الضما

بارك الله فيك

اخي كريزي

القصيدة مؤثرة جداً

ولك جزيل الشكر

وبارك الله فيك

الله يعطيك العافيه
ومشكور على مرورك





دمتم سالمين