لا يفوتكم البحري

اليوم جيتكم بطبق رئيسي للغدا

المكونات
دجاج مغسول ومقطع انا استخدمت افخاذ
بصلتين مقطعتين
فصين ماجي
و3 كاسات رز صغار
فلفل بارد حسب الرغبة
هيل حسب الرغبة
2زبدة
جمرة مولعة خخخخ



اول شي حمصت البصل بالدهن شوي مو وايد ما صورت البداية مو لازم
وعقبها حطيت فصين الماجي ووراها الافخاد وقلبتهم شوي لين ما شربو الماي وبعدها حطيت ماي نص القدر وخليته يطبخ عدددل
مثل هالصورة



وبعدين لمن استوى الدياي شلته وخليته على جنب وقليته بروحه وسويته مقرمش يم يمي

وبعدها حطيت الرز


وخليته يستوي على نار هادئة



ولمن استوى حطيت الدياي المقلي في القدر مع الرز وطبعا كنت حاطة جمرة ومولعتنها عددل وجبت قصدير و 2زبدة بس بالصورة وحدة



وحطيت الزبدة على الجمرة اللي كانت محطوطة بالقصدير وبسررعة حطيتها في القدر وغطيته علشان تتشرب الريحة مثل هالصورة

والريحة وااو تجنن




وبعدها خليتها شوي وشلته



وهااي غداااي تفضلووو




شفتو شلون الطريقة سهلللة


وعوافي على قلوبكم


ملاحظة
سمعت ان طريقة الجمرة مو صحية فآنا ما اسويها وايد يمكن مرة بالشهر بسس
وساعات اسويها بدون جمرة ويصير حلو بعد

في امان الله

ماشاء الله عليك أبو نايف شيف عدل
الله يعطيك مليون عافيه على المشاركه الحلوه والمميزه
وتسلم الأيادي