|
يالله يامعطـي العطـايـا الخـيـارا
عندما كان أمير وفارس و شاعر و شيخ قبيلة العجمان راكان بن حثلين رحمة الله عليه في سجن الأتراك ،وفي أحد الأيام قدموا له صحن وفيه((خيار)) وهو نوع من الخضره ،وكان أول مره يراه فلما قالوا له اسمه تهيض وقال:
يالله يامعطـي العطـايـا الخـيـارا=يامعطي الجنة عبيـدك مـن النـار
ويالله يـاخـلاّق لـيـل ونـهـارا=متعاقـبـات دب الايــام سـيـار
والي طلعت شمسة وبـان النهـارا=والناس تسعى بالدلايـل والانظـار
قالوا(خيار) وقلـت ماهـو خيـارا=ولافي خيار(ن)كود زينات الاثمـار
خيار الملا ألملتقـى فـي الزيـارا=محـمـد نـبـي الله ناتـيـه زوار
وخيار البيوت كبارهـا والصغـارا=نزور بيت الله حجابـن عـن النـار
وخيار السبايا مسرجـات المهـارا=لاروحـت مـع اول الخيـل عبـار
وخيـار الأباعـر طيبـات البكـارا=وخطوا رجوح(ن)بأول الذود معطار
وخيارتـي ربع(ن)قـروم سطـارا=يفرح بهم قلبي اليا صـار ماصـار
لا طـار ستـر مخبيـات العـذارا=والي شبك صوت الزعاريت والثار
واليا تعلـوا فـوق قـب(ن) تبـارا=فزعاته تجلي عـن الكبـد الامـرار
وماقلطـوا للضيـف كثـر العـذارا=والكل منهم يكرم الضيـف والجـار
وصيانيـن فيهـا الشحـم والفقـارا=ودلال فيهـن أشقـر البـن وبهـار
وانا لقيـت خيـار بيـض العـذارا=ماهازها راعي الردى سر وجهـار
ابـو قــرون كاسيـاتـه نـثـارا=متحدر(ن) من فوق الامتـان نثـار
وحجيجه مثـل القلـم يـوم سـارا=بيت الطلاحي يصبغ الحبر وان سار
والعين عيـن موحشـات الحـرارا=والحر الاشقر لابرق الريش عفـار
وبريطماتـه كالبرسـيـم صـغـارا=شبة الحرير اللي على الصدر بزرار
وثنيـواتـة كاللـولـو عـفــارا=شبة البرد وان هلتة مزن الامطـار
ياشبة لريم (ن)لا جفـل واستـذارا=يشبة لريم(ن)مرتعة عشب الاقفـار
وصلاة ربـي عـد رمـل الزبـارا=على النبـي داس غبـات الاخطـار
__________________
|
العرض العادي
