ياوجودي وجد من جار وقته وابتـلاه
علته من جور الايام والهـم الدخيـل
ماصفت له عوج لايام والحظ وشقـاه
حدته دنيـاه للنـاس والمـد القليـل
سبت اللي من عرفته وحالي في عناه
متعب نفسي وحالي وقلبي له يميـل
صابر والصبر عندي توصل منتهـاه
ماتحمل جور لايام مع كيـد الخليـل
مخلص له طول عمري وقلبي مانساه
واثبت الحجه وعندي علي قولي دليل
ادمح الزله اليا جـات وادور ارضـاه
يحسبني باقبل العيش في حبه ذليـل
عزتي ترفعك يالراس في عالي النباه
والوطا مامسي بقاعه ولالي به مقيل
دام وضعك سار يالعذب عكس الاتجاه
لاتجاملني ترا الوضع هـذا مستحيـل
الشعار اللي خذيته مازاد الجاه جـاه
غير ذلك في دروب المـوده يابخيـل
اللي مثلك مايقرر ويمشي في عمـاه
ايتحرا الصدق لاسارفي لايـام ميـل
انتهى المشوار والكل يمشي في هواه
انت بتلقى لك وانا يالقضي بالقى بديل