لعبة ظريفة يعني وش ممكن تسوي لو صار لك مثل كذا !!

10-10-2009, 06:06 PM

لعبة ظريفة تحمل التسلية وبعض المقالب
يعني وش ممكن تسوي لو صار لك مثل كذا ..

نبدأ بسم الله

ياللي بعدي

وش راح تسوي لو صحيت ولقيت حالك زي

أبو زيد الهلالي ؟؟

10-10-2009, 06:45 PM

كنت ابقول
قربا مربط النعامة مني ...............فان قولي موافق لفعالي
واشتري سيف وجنبيه وخيل من احدا ملاهي الاطفال في الثمامه
وعلى طول صحراء الربع الخالي
واخذ معي معلقتين من الشعر القديم عشان ارد عليها وحدي.
طيب وش بتسوي لو تقوم في الصباح ومستعجل وتحصل الكفره في السياره مبنشره؟؟

10-10-2009, 07:57 PM

الله يسامحك وش ذالفال يالوسام علينا مع الصباح ..

لكن .. لا تخاف

أمر الله وشق القربة .. ما معانا غير نغيرها عالريق
أقل شئ نسوي فيها عضلات قدام الناس

لكن قل لي ياللي بعدي وش بتسوي لو تصحى الصباح وتلاقي نفسك ..
( أمير أو أميرة ) قبيلة وجاء الغزو عليهم وأنت بطلهم القومي وجاي تدور حتى سكين
لكن للأسف ما تلقى شئ ..
والخيول تشاخر في سابع نومه !!

هيا قلي كيف بتتصرف يا ماوكلي !!

:msa (37):

10-10-2009, 08:25 PM

عود الاراك لا تخرب اللعبه جاوب على سوالي:msa (38):
بيني وبينك سوالك هذا صرقعبي وجوابه عندي وانا بوهندي انت متاثر بالمسلسلات البدويه.:msa (13):

اولا اصيح بالصوت الرفيع
واقول يا عالم ياهووووووو :msa (42):

تجمعوا يا افراد القبيله :msa (32):
وكل يعلم جاره وقبيله
خذوا معكم زاد والحميله
ولا يجلس منا كثير ولاحد
وعلى رجولكم مدو مد
وشردة ورى ذيك الجبال
وامشو خفاف بدون حبال
وهجوا من الحراب والنبال
ومن اليوم ما فيها امير
نركب البغل وعلى الحمير
بلا اماره كلها وجع
ولا عاد منا اللي رجع
ونصير مثل الهنود الحمر
ونلون عيونا خضر وحمر
ونجمع سلاح وعتاد
ونرجع نحتل البلاد
ونقول الحمد لله على السلامه
وننفك من اللوم والملامه
وانت خير ما يمثل يا امير
وترجع راس قوم وامير
وهذا علمي وسلامتك
نطلب الله في ندامتك

نرجع لمحور حديثنا ......
لو لا قدر الله وانت ماشي في الزحمه في طريق الملك فهد وفي عز الذروه من زحمة الحركة المروريه في الظهيره وتشوف الاديتر حق السياره يصب مويه والعالم كلها تدق بوري وش راح تسوي؟؟؟؟:msa (35):

10-10-2009, 09:00 PM

بصراحة ما كنت أدري إن معنا بطل قومي وصنديد لا يشق له غبار
معقول كل ذالفروسية والحماس ولا عمرهم أنتخبوك لأحدى القبايل
يا حسافة فعلاً عليك ..

أما سؤالك عن الرديتر لو أنفجر لا قدر الله .. ف ياخوك هذي شغلتها عندي وأنا بو هندي
فوراً بطلع الجوال وبستخدم خدمة سمعني تداول مدري خدمة جود بلاس وأدق عالسواق وأطلب منه ينقلني لأقرب وكيل مرسيدس أو ماي باخ نطق لنا بالمركب الزين ونعين من الله خير ونترزز لنا كم ساعة ومنها ننطلق نأخذ لنا ربع كبسه سفري نبسط بها تحت أحدى النخل في براد ربي وعقبها نرجع لقرنبعتنا نوديها لأقرب ورشة ..
وسلامتك يالنكبة اللي حاشكني بمشاكل السيارات

لكن تصور ياللي بعدي إنك صحيت بكره من النوم .. وإذا بك الخالق الناطق من كاظم الساهر والإ هيفاء وهبي وش شعورك ووش بتسوي ذاك الوقت .. أضف فوقها إن ما عندك حبوب مسكنة للموقف !!