صدمة رحيله ما طرت لي على بال
و فجعة فراقه باقية تكتسيني
طاحت ورودي و انتهت كل الآمال
و ماتت رياحين الفرح فييميني
"راااح" وتركـ له داخــل القلب منزال
قدرن رفيع وصورتن وسط عيني
هــــذا " شمــــــاغهــ " ريح عطرهـ ولازال
و" خــاتم" يدينــــــــــه أضمـــــــه بديني
أنشد مع لحن المقادير مـــــــــوال
وأعزف على أوتــــــار المفارق ونيني
" يــا خوي" وينك ناظر الدمع هـمّــال
وشوووف وش صاير من الفقد فيني
فيني ألم مايحمله ألف رجّـــال
وفيني ندم مع كل ذكرى يجيني
ودموع أمي داخلي صارت ثقــــــال
عجــزت تنـــادي رد لي ياضنيني
وأبوي يحمـــل في دفى صدره جبــال
ويدعــي لكـ الله يرحمـــكـ ياضنيني
وتطيــــح دمعاتي على كل الأحــــوال
عيــّت تحن وترحــــم آلام عينــــي
عودتني لو بسمتي غصنها مــــال
أغصــــان طيبكـ بالدفـــى تحتويني
وألقــاك لو ليل الألم يـــالغلا طـــــــــال
وزارتنـــي همومـــي ونــــادت تبيـــني
واليوم صـــار الحال يا مصعب الحال
من عقب حال " المـــــــوت" بينكـ وبيني
مرحـــــــــوم يالغالي عدد طيب الأفعــال
وعداد ما يسكـــن بقلبي حنيني
وعداد دمعن من بعد غيبتك سال
وعداد مـــاخطت حروفي يميني
وعــــداد ماردد,,, وعداد مـــاقال
وعداد من في هالزمـن صالحيني
يرحمكـ علاّم الخفايا والآجــال
مرحـــــــــوم يالغــالي مع كل حيني