قصيدة من الشاعر/ضيف الله العامري
اهداء الى الدكتورالشاعر/ علي بن مسفر الشمراني
سلام يامن مدة الطيب أياديك
إيداً على فعل الجمايل كريمه
تقدر على هذي وهذي وهاذيك
سيلً كبير وجاء ورا السيل ديمه
يفداك رجلٍ مايحبك ويغليك
ويفداك راساً ماخلق فيه شيمه
بين القبائل يالوفي ذاع طاريك
غصباًعلى اصحاب الكبود السقيمه
باالمرجله والطيب محدا مجاريك
مواقفك تحسب مواقف عظيمه
الله على فعل الجمايل مقديك
الاصل طيب والنوايا سليمه
تسمو على روس النوايف هقاويك
حكيم راي ومن رجال حكيمه
والي على الطولات شيخاً مربيك
له في دول شمران شيمه وقيمه
اهل السيوف الحدب واهل البلاجيك
جيشاً يلقن خصمه اكبر هزيمه
ذول المخاسر والعناصي توفيك
لها على رقي المعالي عزيمه
وصلاة ربي عدما قيل لبيك
على نبيا مايحب الظليمه
قصيدة اهداء من الشاعر ضيف الله العامري للشاعر الدكتور علي بن مسفر الشمراني
منتديات ال حبه التقنية
منتديات ال حبه الادبية
العرض العادي
