تاريخ التسجيل: Jun 2008
الدولة: الشرقية .
المشاركات: 106
معدل تقييم المستوى: 18
|
حبيبتي مـــــــــــــــابعدك احباب
صليت شفعي ولا سجيت عن وتري
,,,,,,, ومن الوله فاضت انفاسي على ثيابي
قلت اكتب الحب واقطع حيرتي واسري
,,,,,,, لين آصل الصبح واشرف على غيابي
حبيبتي مابعدك احباب في صدري
,,,,,,,والي قبل لاعرفك خليهم احبابي
كان المحبة خطاي تقبلي عذري
,,,,,,, الحب سكة لعينك دلت ركابي
الحب قبلك دجى وسهاد يافجري
,,,,,,, لو قبلك اقمار في ظلماي وكتابي
اهواك وافدى ليالي رمشك الخدري
,,,,,,,اللي اذا همت في نجلاك حيابي
واحن لك ماخفق ريش وسجع قمري
,,,,,,,,واشتاق لك ماحزنت وضحك نابي
حبيبتي مالك جروح واقول ابري
,,,,,,, ولالك دموع في شكواي واهدابي
ياما دقايق وصالك طولت عمري
,,,,,,,ياما الشتا في يديني من يدك ذابي
عقب الظما كنك الما في عطش ثغري
,,,,,,,والفية الباردة لخطاي واتعابي
عنك سألوني رفاقي وحرثوا حبري
,,,,,,,وانا لي اخفيك بين رضاي وعتابي
مابي عن الحب حساد الهوى تدري
,,,,,,, لو كانوا من هلي والا من اصحابي
سألت عنك الرياض ورددت حظري
,,,,,,,ولديت يم الفياض وقالت اعرابي
قلت اكتبك ونخلي مايل على تمري
,,,,,,, وغصوني سجود من تيني وعنابي
حبيبتي ذي تحياتي وذا شكري
,,,,,,, واقريه مزون من صنعي وهندابي
الشاعر / نايف صقر
|
العرض العادي
