مسيرة غالبية رواد المنتديات
في البداية يحصل على رابط المنتدى من احد اصدقائة
يتابع مواضيع صديقه فقط يشعر بعدها بالغبطة
يسجل في المنتدى ويبدا في الرد على المواضيع يسلموووووووو ويعطيك لعافية ومن ذا الفتاق
يشعر بحلاوة التواجد والمشاركه في المنتدى
وهب طب على الالعاب وهاتك ا-2-3-4- واحلى رده للي بعدي مدري اللي قبلي
يقرر بعدها ينزل موضوع ويدور على موضوع ناجح بمنتدى اخر وهاتك نسخ ولصك
ويشاركوا معاه الاعضاء بيسلموووووووو ويعطيك العافية واغلبهم ردوا عليه مو عشان الموضوع حلو وناجح
عشان نفس العضو يشارك معاهم بمواضيعهم
ويستمر في الالعاب 1-2-3-4-واحلى غمزة للي بعدي
لكن اخونا بدأ يمل من الالعاب تدريجيا وخفت مشاركاته فيها
تطور شوي وتعلم سار يشارك بمواضيع النقاش وبالمواضيع العامه ويكتب راية
كان ينزل باليوم الواحد ثلاثة مواضيع
قام يتملق عند الادارة وشكرها على الرايحه والجايه
كان يتواجد من عشرة الى 14 ساعه يوميا تقريبا
طبعا مجهوده وعدد مشاركاته لفت نظر الاداره
فاعطوه عضوية مميزة
اخونا زاد وضاعف مجهوده وهاتك نسخ ولصق ويسلموووووووووووووووو بس هذي المرة بطل يشارك في
الالعاب نهائيا
فكرت الاداره في تكليف احد الاعضاء بالاشراف على احد الاقسام
اكيد مافي زي صاحبنا بمجهوده وتواجده
رسلوا له رساله خاصه انهم بيعطوه اشراف
اخونا فرح طبعا هذا كان حلم له من وقت ماكان يتصفح المنتدى بدون تسجيل
وافق وقالهم ان شاء الله اكون قد المسؤولية
اعطوه كاس العالم قصدي الاشراف
صاحبنا تطور شوي وسار مايرد ويشارك الا مع اللي يشاركوا معاه بس
من قدو سار مشرف الحين
وشوي بدا مايشارك بالاقسام الثانية كثير اغلب شي بقسمة اللي مشرف عليه
بدا تواجده يقل تدريجيا
اصبح يتواجد ساعتين بالكثير طبعا
لكنه موجود غالبا بدون تسجيل
فجأة توقف عن تنزيل المواضيع النسخ واللصق طبعا
اصبحت ردوده تقل تدريجيا الى ان وصلت الى ردين ثلاثه اسبوعيا
بدات الاداره تلومة لندرة تواجده ومشاركاته واهمال قسمه
اعتذر لهم انه مشغول وعنده ضروف مايعلم فيها الاربنا
اخونا في الله اكتشف ان المنتديات ممله ومافيها هذيك الوناسة ومضيعه للوقت
فقرر الابتعاد نهائيا عن المنتدى بدون اي اعذار وكلام فاضي
وترك المنتدى بلا عوده
@@@@@@@@@@@@@@
تاكدو اخواني انا ما اقصد احد لكن هذا حال الكثير من رواد المنتديات
وبالذات منتدانا مرو علينا اعضاء كثير كانوا يشاركوا في الالعاب وينهم الان ؟؟؟؟؟؟؟؟؟؟؟
راحو ولا ندري عنهم
وتبقى في البال ذكرى اعضاء ومواضيعهم المميزه البعيده عن النسخ واللصق وردودهم المفيده
فعلا كانو مشرفين بدون اشراف ومميزين بدون اوسمة وشهادات تميز
كان عطائهم بدون مقابل
صحيح قليل لكنه كبير بحجمه
فعلا كانو اعضاء مميزين بمعنى الكلمة لانهم يعرفوا المنتدى ايش معناه وايش المطلوب فيه
هذول اللي نقول خسارة على المنتدى وفقدناهم وابعدتهم عنا الضروف
@@@@@@@@
اخواني صحيح هذا كلام قوي من مراقب بالمنتدى
لكن هذي الصراحه والحقيقه
اخوكم / صمـ حكي ـتي
العرض العادي
