ما نسيته

حسبي على اللي كل ماقلت بنساه
اللي من أيامي وعمري عطيته

تجيبه الذكرى على غير مشهاه
ويضيق صدري لاسرحت وبكيته

عزاه ياوقتن قضيناه عزاه
يوم الغلا في وسط جوفي كنيته

حطيت قلبي من غلاته بيمناه
وحبه عن اعيون العواذل خفيته

في ليلتن غدره تلاقيت وياه
نوى فراقي دون ذنبن جنيته

هرج العواذل عن وفا قلبي أعماه
باع وتنكر من بعد ماشريته

هليت دمعن جرح الخد مجراه
من يوم قفا والعزا ماقويته

صار الفراق اللي حشى ماهقيناه
ياليتني في يوم ماقد هويته

حسبي على الذكره ليا مر طرياه
وحسبي على منهو رحل مانسيته
مما راق لي

كلمات تلازم شغاف النبض
وتعتنق اوتاد الحرف وتغذي الأرواح
أحرفك فاقت ماهو أجمل وأكبر من الحديث عنها
شكراً على جمال هذيانك وأبجديات أحرفك
لروحك السعادة