وصفات بالصور

|| مهلبــــيه ||




المقادير والطريقه :

كاس ونص حليب بارد
ثلاث ارباع كاس مويه
ملعقتين الى 3 .. نشا
ذره من الهيل والزعفران شي بسيييييط
ملعقتين كبيره ومليانه من السكر
نخلطهم على النار لما تبدا تثقل ،،
صبيها بالكاسات ورشي عليها لوز وفستق ،،
---------------------------

|| دجاج بالكريمه ||




المقادير :

دجاجه مقطعه 8 او 12 قطعه
بطاطس مقطع حلقات
فطر طازج مقطع شرايح وتحمسينه بزبده وشوي ملح

مقادير الصوص :
- 4 ملاعق صويا صوص
- نص كوب مآيونيـز
- نص كوب مرقه الدجآج ( المرقه الي سلقنا فيها الدجاج )
- نص كوب كريمه خفق
- نص علبه زبآدي
- ملعقه صغيره فلفل أسود واي بهار تحبينه+ ملح
- فص ثوم مهروس


الطريقه : تسلقين الدجاج واضيفي معه فلفل اسود وكمون وملعقه خل وملح وحبه هيل ومسمار ودارسين ،،
رصي البطاطس والفطر في الصينيه ،، ثم اضيفي الدجاج بعد مايستوي ،، واخر شي صبي عليه الصوص ..
ممكن تزينيه بشرايح الفطر او البطاطس ..
دخليه الفرن يسخن ويتحمر من فوق ..
وبالعافيه ،،
--------------------------------

|| قطايف مالحه بالدجاج ||




طبق سهل،، طريقته تشبه القطايف .. وطعمه يشبه الكريب المالح ..



نحتاج للعجينه:
كاس مويه و 3 ملاعق حليب بودره - او كاس حليب سايل
فنجال زيت
نص م ص خميره
نص م ص سكر
ذره ملح
كاس وثلث دقيق


تعجنينها ويصير قوامها سايل مثل البان كيك ،، اتركيها تتخمر نص ساعه واخبزيها على صاج مع جهه وحده بس


الحشوه



بصله مقطعه صغار
جزره مبشوره
كيس دجاج مفروم
حبه ماجي - ملح وفلفل اسود
بعد ماتستوي طفي النار واضيفي علبه صغيره جبن تشدر مبشور

"
اخبزي العجين على جهه وحده بس بس ماتصير حمراء من تحت ارفعيها عن النار واتركيها تبرد
ادهني الجهه البيضاء بالجبن السايل واضيفي الحشوه ،، واضغطي الاطراف راح تتقفل
اغمسيها في بيض وبقسماط..
البقسماط ،، :
نص كاس جريش مطحون - نص كاس شوفان مطحون - نص كاس طحين بر - نص كاس طحين ابيض -كاسين بقسماط - وبهريه بـ ملح وفلفل اسود وكركم - بهارات مشكله ،، اخلطيهم سوا وغمسيها فيها بعد الحليب ،،
واقليها ..

قدميها مع الصوص الحار ،، وبالعافيه ..


-------------------------

|| ساندويتش دجاج بالقشطه ||




المقادير والطريقه :



صحن صدور مقطع قطع صغيره
تبلي الدجاج بـ
ملح بالتوابل او ملح عادي
فلفل اسود
كمون
عصير ليمونه
م ك خل
بصله متوسطه .. مبشوره
فص ثوم مبشور
علبه زبادي
اتركيه ساعه تقريبا ،، وسخني التاوه احمسي الدجاج مع خلطة الزبادي لما تنشف

احشي الدجاج بخبز باندور الصامولي ،، حجم صغير .. وصفيه في الصينيه ،،




ادهني الساندويتش على الوجه بـ ملعقتين قشطه و ملعقه كبيره مليانه جبن .. ملعقتين صوص فرنسي ورانش ،.
رشي عليها اوريقانو وحمريها بالفرن




||برياني الدجاج||




المقآدير : دجاجه -بصل- كاسين رز - بهآرات: فلفل اسود ملح كمون كاري بهارات مشكله -مطيبات دآرسسين مسمار هيل - مآجي -لبن او زبادي - كزبره نآشفه او طازجه

الطريقه:
تقطعين الدجاج 8 قطع او 12 قطعه وتحمسينه مع البصل والبهارات والكاري مع كزبره ناشفه وماجي بعد مايبدا يستوي شوي اضيفي نص كاس مويه او اكثر شوي .. مع علبه زبادي اوكاس لبن ..
تتركينه لما يستوي الدجاج والمرق متسبك.. طلعي الدجاج وحمريه بالفرن ..
يسلق الرز نص استوا ثم نحطه في القدر فوق الخلطه الي حطينا الدجاج فيها .. بدون تحريك لما يكتمل النضج على نار هاديه .. ..
ترشين فوقه صفار او شوي زعفران وتغطين القدر وتتركينه لما يستوي ولاتحركينه عشان يصير الرز 3 الوان ..
جمليه بالبصل المقلي والمكسرات المقليه

|| سلطه سيزر||



الكميه هذي تكفي شخص واحد ..:)

قطعي خس واخلطي معه ملعقه زيت زيتون وشوي فلفل اسود ..
قطعي صدور دجاج بالعرض ..يعني يصير شريحتين
وسخني شوي زيت ..وحطي شرايح الدجاج .. اول ماتحطين الدجاج اضيفي الفلفل الاسود والثوم ورشه بسيطه كمون .. وليمون وخل وصويا وبابريكا .. انا احيانا اضيف بهارات دجاج اخر شي اضيفي الملح اذا بدا يستوي ..
واتركيه لما تنشف مويته وتتحمر .. بعدين قطعيه بالشكل الي تحبينه
الصوص: م ك مايونيز .. شوي ليمون .. فلفل اسود .. م ص جبنه بارميزان ..م ص صوص الورشيستر
الخبز المحمص انا اسوي كميه وافرزنه ..
سخني اصبع زبده على نار هاااااااااديه .. مع فصين ثوم مهروسه وملعتين اوريقانو او زعتر ..
ادهني الخبز التوست وقطعيه صغار وحمصيه بالفرن .. كل اصبع زبده يكفي نص كيس خبز توست
اذا حمصتيه خليه يبرد تمااام بعدين فرزني الكميه الزايده ..


بالعافيه ،

|| Pancake - بانكيك ||








نحتاج إلى :


كاس حليب .
كاس دقيق .
2 م ص بكنج باودر .
نصف م ص ملح .
2 م ك سكر .
بيضه كبيره .
2 م ك زبده .
1 م ك زيت .

اخلطي السؤال مع بعض .. واخلطي معاهم الملح والسكر لما يذوبون ..
ثم اضيفي المواد الجافه .. وحركيه بالويسك لما يتمازج .

يمكن قسم الخليط نصفين .. واحد ساده والثاني يوضع معاه قطع من البلو بيري .

للتزين.. نوتيلا او بالتوفي المنزلي :)

------------------------------

|| عصير اللافندر مع الليمون ||






نحتاج إلى ..

ملعقتين من الخزامى (اللافندر) وانتبهي مايكون معطر .
4 ملاعق سكر او حسب رغبتك
كوب ماء مغلي
كوب ماء بارد
ثلاث ارباع كوب من عصير الليمون "معصور"
نعناع

الطريقه :
نقعي الخزامى في كوب ماء مغلي .. وخليه مده 10 دقايق إلى ربع ساعه .. بعدها صفيه واخلطي معه السكر وحركيه لما يذوب او سخنيه ع النار شوي بس لاتتركينه يغلي .
بعد مايذوب السكر .. اضيفي الماء البارد واتركيه يبرد شوي في الثلاجه .. بعدها اضيفي عصير الليمون والنعناع والثلج
لو ماحبيتي نكهه اللافندر القويه .. ممكن تزيدين من الليمون والماء والسكر .. وتصير نكهته اقل ..
..
واستمتعي بعصير يهدي اعصابك ويعطر انفاسك .
وبالعافيه :*
---------------------------------

|| تشيبس مع صوص الجبنه ||





نحتاج إلى:
ربع كاس كريمه خفق
م ك جبن سايل
2 م ك جبن موزريلا او تشيدر او اي نوع تحبينه .
2م ك بقدونس مفروم
حبه طماطم صغيره
م ص نعناع
م ص اوريقانو
فلفل حار
تشيبس ليز بالملح


سخني كريمه الخفق واضيفي الاجبان .. والنعناع والاوريقانو وشوي من البقدرنس خليهم على نار هاديه لما تذوب الاجبان مع بعض .. وانتبهي لاتحترق اذا حسيتي النار عاليه بزياده او وصلت لمرحله الغليان طفي النار .. وتقدرين تسوينها بحمام مائي ..

بعد ماتذوب الاجبان .. جهزي الشيبس .. في صينيه التقديم .. واضيفي الطماطم .. مع ازاله البذور .. والبقدونس ثم الصوص .. وسوي طبقه ثانيه وكرري نفس الشي .. اضيفي البقدونس والطماطم والصوص ..

واستمتعي ..
--------------------------------------

|| قهوه البندق ||




م ك ونصف - من البن بنكهه البندق .. تلقونه في السوبر ماركت أو خذوها من الرفاعي .
م ص كاكاو بودره
سكر حسب رغبتك
فنجالين مويه فاتره

اتركيهم على نار هاديه لما توصل مرحله الغليان .. بس لاتتركينها تغلي عشان مايختفي الوجه .
سخني حليب حسب رغبتك .. واضيفه معها ..
انا غالبا اسوي الحليب نفس كميه القهوه او اكثر شوي .. احب نكهه القهوه تغلب ع الحليب ..


وبالعافيه .
---------------------------

|| بيض مع جبن واشيآء لذيذه :P ||




سخني التاوه .. واضيفي زيت الزيتون .. والبيض حسب رغبتك بس لاتحركينه مجرد ان الصفار يتحرك شوي ..
حطيه في التاوه .. وخليه لما يستوي ودخليه الفرن من فوق شوي .. لما يستوي من فوق ..

رشي عليه فلفل اسود وكمون رشه بسيطه .. والملح حسب رغبتك .

اضيفي الخلطه الي مجهزتها من قبل ..






ملعقتين طماطم مقطعه صغار ..
ملعقتين فلفل رومي احمر مقطع صغار
ملعقتين فلفل رومي اصفر
رشه اوريقانو
م ك بقدونس مفروم
م ك بصل اخضر مفروم
2 م ك جبن سايل ..
واخلطيهم وزيني فيها البيض .. وبالعافيه .
-----------------------------

|| تونه ||




نحتاج إلى :
بصله متوسطه
علبتين تونه بالزيت
م ك صلصه طماطم
حبه طماطم حجم وسط
حبه فلفل رومي أحمر حجم صغير
فص ثوم مهروس < ممكن تستغنين عنه
((ملح ، فلفل أسود ، بابريكا حاره ))


الطريقه :
احمسي البصل بزيت التونه ..
اضيفي الطماطم والصلصه والفلفل الرومي والثوم واتركيهم يذبلون ..
ثم اضيفي التوابل واخر شي التونه .. وانتبهي لاتحركينها كثير ولاتفتتينها .. حلاتها وهي قطع ..احسن من المهروسه.

مجرد انهم يختلطون مع بعض وتحسين التونه تشربت الطعم .. ارفعيها عن النار وقدميها مع الخبز .
وبالعافيه
----------------------------------------

|| بطاطس مع السبانخ ||



نحتاج إلى ..

كاسين فطر طازج مقطع شرائح
كاسين سبانخ مقطعه "فرش او مجمده"
صحن صدور دجاج مقطع مكعبات
250 مل كريمه خفه
ثلث كوب من القشطه الرائبه
بصله متوسطه مقطعه شرائح
4 حبات بطاطس متوسطه الحجم مقطعه
فصين ثوم
التوابل : فلفل اسود ، ملح ، بابريكا ، حبوب الفلفل الاحمر الحار ، كركم ، روز ماري ، بهارات مشكله حسب رغبتك .

اجبان مبشوره متنوعه (بارميزان فريش ، قشقوان ، موزريلا )




الطريقه : احمسي البصل بزيت الزيتون واضيفي معه الدجاج بعد مايذبل البصل .. واضيفي التوابل (م ص كركم، فلفل اسود واحمر ، حبوب الفلفل الاحمر ، م ك خل .. وبهاراتك الخاصه ) اتركيه على جنب لما يستوي على نار هاديه ولاتنسين تغطينه



في تاوه ثانيه .. اضيفي زيت الزيتون مع شوي زبده واحمسي الفطر لما تطلع مويته اضيفي معه الفلفل الاسود والملح .. اذا بدت تنشف مويته اضيفي معه السبانخ وقلبيهم لما تذبل .








اذا استوى الدجاج وذبلت السبانخ وصاروا جاهزين .. اخلطيهم مع بعض .. واضيفي كريمه الخفق والقشطه الرائبه .. وارفعي النار شوي مده دقيقه تقريبا لما تغلي الكريمه ..







جهزي صينيتك .. واضيفي البطاطس .. ثم حشوه الدجاج والسبانخ .. ثم طبقه بطاطس .. ثم الاجبان .. ورشي عليها اوريقانو ودخليها الفرن واستمتعي .

طرح في غايه آلروعه وآلجمال
سلمت آناملك على الانتقاء الاكثر من رائع
ولاحرمنا جديدك القادم والشيق
ونحن له بالإنتظار,,~