جرح الخطأ
بسم الله الرحمن الرحيم
لي علة وسط الضماير خفية
جتني من اقربٍ عزازٍ عليه
منها يشيب الراس والعين تدمع
بلــيةٍ يا كـــبرها من بلــية
كتمتها واللي ذبحني سكاتي
يكوي الحشا في كل ساعة بكية
وان جيت اعلم لاجل يرتاح صدري
لاني مثل من زود الطين مية
والله ثم والله رب الخلايق
إني بري ، وما نويت الردية
حسبي على من يتهم الناس بالخطا
من يلبسون الصح ثوب الخطية
لاني محاسبهم ولالي بهم دخل
حسابهم يوفيه رب البرية
في موقفٍ كل الخلايق تهابه
حتى الرجل ما عاد يعرف خويه
ناسٍ تسلم كتبها في يمينها
وناسٍ تسلم كتبها بالخفية
وختامها صلوا على سيد البشر
نبينا راعي اليمين الندية
ناصر شبيب الشهراني
__________________
سوا سوا لاقلت قدام قدام
|