يعني من أجل { عين } تكرم مدينه

اللي { يغلطني } وانا ماني بغلطان ..
اصابعي احطها { وسط عينه } .. !

من طبعي ارد الإساءه { بالاحسان }

وأساير ظروف الزمان اللعينه ..


وأطوف الغلطه من { أفلان .. وفلان }
يعني من أجل { عين } تكرم مدينه ..



الكامل الله والخطا طبع { الانسان }
والدرب يفرق عن يساره ويمينه ..


و { الصاحب } ا للي له معزه وله شان
ان جاني بشينه .. تذكرت زينه ..


اتحمل اخطاءه معي { قدر الأمكان }
من جانبي تبقى العلاقه متينه ..


واللي { يغلطني } وانا ماني بغلطان
اصابعي احطها { وسط عينه } ..


مادامني مسلم وفي قلبي إيمان
عمر{ البحر } ماشال هم السفينه ..


مرت علي { انواع .. واشكال .. وألوان }
بين { العقول } الناقصه .. والرزينه


عندي قناعه ان { الإنسان شيطان }
اذا يهينك { لازم } انك تهينه ..


يعني اذا حاجتك { بيدين عدوان }
يكفيك شر المهزله .. والغبينه ..


من{ كثر ماجاني } من الناس خذلان
تحرجني حتى كلمة { الله يعينه }


صحيح لي { ربع .. وجماعه .. وخلان }
وأضيق لكن حاجة الناس.. شينه


الشخص دام انه بكل شي{ خسران }
تأكد انهآ من عمايل { يدينه } ..


من مرحلة { حب .. ومشاعر .. وحرمان }
إن مالعنت الحب تلعنه سنينه ..


اكتب شعر واعزف من { اشواقي الحآن }
واسلي قلوب الغرام الحزينه ..


ولو الشعر مخلوق في { هيئة انسان }
والله لأقول له تسلم { واقبل جبينه

مادامني مسلم وفي قلبي إيمان
عمر{ البحر } ماشال هم السفينه ..
سلمت يداك ولا عدمناك

صمتى حكي
بارك الله فيك
سلمت يداك ولا عدمنكا
تقبل خالص احترامي وتقديري