على كف القدر

((على كف القدر))
نمشي على كف القدرطول الاعمار=مثل الضرير اللي دليله عصاته
يعد خطواته على قد الاشبار=سهوم المنايا برقها لايحاته
لاتامن الدنيا على ويش ماصار=وش تنفع المخلوق لوهي غناته
لويملك قصورٍ وفي البنك مليار=تقفي ويبقى ماعمل في وفاته
لاينفعه صاحب ولا ينفع الجار=الا عمله اللي عمل في حياته
في وسط قبره مابها سرج وانوار=بوسط غبات اللحد وظلماته
لاواهني اللي توفي وهو بار=ابوالدينه محسن في صلاته
قبره بساتينٍ على مد الانظار=من ما عمل من خير يجني ثمراته
في جنة الفردوس منزل ومقرار=من عند ربه محسنٍ في عطاته
يفنى ويبقا ذكره اليوم تذكار=في دنيته تذكر جميل حسناته
وعزي لمن يتبع ورى بليس بفكار=وعن طاعة الله دالهن بغفلاته
يتبع هوى نفسه على كيف مختار=يقبل ويقفي والعمر في هياته
وش حيلته ماله مجالٍ بالاعذار=يوم الحساب اللي يوافي جزاته
ومن الندم نابه يعضٍ الاظفار=من ماجرى عينه تهل عبراته
يالله ياللي بالمخاليق غفار=ياللي على المخلوق تمحي خطاته
يالله تكافينا من شرور الاقدار=وعن مايروع القلب من مقبلاته
يالله تعصم اللي شكالك عن النار=من ما دعى يرجيك تقبل دعاته
يالله عسى ماني شقيٍ ومحتار=في ساعةٍ كلٍ تبين خملاته
وصلاة ربي عد رهاش الامطار=وعداد حبات الرمل مع نباته
على النبي اللي رسولٍ ومختار=محمدٍ بالدين وصا بوصاته


قصيدة :عبدالرحمن المحارب

صح لساتن الشاعر

والله لا يهينك يالنشمي

لويملك قصورٍ وفي البنك مليار=تقفي ويبقى ماعمل في وفاته
جزاك الله كل خير ...........ونفع بك
قصيدة رائعه