ياهم مالـك غيـر الاجـواف سيـره
ياخـي كـفـا والله مابينـنـا ثــار
ضيقت في شوف الشقـا كـل ديـره
واليوم جيـت تضيـق البـال بالـدار
شفني وانا ماعشت بـك غيـر حيـره
قل وش بقا من شانـه اليـوم نحتـار
يامن قتلـت مـن الامانـي صغيـره
قبل يتشجـر غصنهـا بيـن الاقـدار
لاتضهر الصيده لمـن غـاب طيـره
هو وين صيدك يوم لي طاير(ن) طار
لاتنفـض غبـار الالـم بالسـريـره
بعض المواجع خلها طـي الاسـرار
لونهـا فـي كـرب ذاتـك كبـيـره
ياهـم لاتهـدم حنـيـات الاســوار
ابوس ارسـك تتركـه وسـط بيـره
الهول والله لو زمـت فـوق الابيـار
انا المواجـع فـي صميمـي عشيـره
اخاف كـل(ن) منهـا ينشـر اخبـار
واليا انتشر علمـي بهـا ذي كسيـره
كم شامت(ن) يرمي الحطب داخل النار
الشعر ليتـه مـا يصحـي ضميـره
بعض الحقايق صدعت روس الاشعار
الكلـب حاكـم وابـن عمـه وزيـره
والذيب غايب والغنم صـارت كثـار
والدوله اللـي حاكمـه مـع سفيـره
ماهم عرب وش صنفها بين الاحـرار
المـوت واحـد والسبايـب كثـيـره
والعار من يسكت عن امر الردى عار
وكليب مات ولا رجـع عقـل زيـره
والناقه اللي جابـت الحـرب مـدرار
ملعون ابـو حكـم العمايـم وخيـره
اللي طوت طياتهـا مـوت الابـرار
اقولهـا وجعـل اليـالـي قصـيـره
الشعب واهن كيـف يرضـا بفجـار
الكلب حاكم وابن عمه وزيره...))
العرض العادي
