بداية السيارات في المملكه

مقدمة بسيطه عن بداية السيارات في المملكه ..
كانت بداية انتشارها في عام 1940م وهي اول السيارات القديمة التي استخدمت في المملكه العربيه السعوديه وخاصه بالمدن وعندما ازدادت الحاجه اليها اكثر زاد مستخدميها وخاصه في عام 1947م فكانت هناك سيارات من جميع الماركات واكثرها انتشارا الفورد (الوري) ويسمى فرت والشفروليت ..
ومن انواعه في ذالك الوقت (الوري - الفرت - الدوج - البونتياك - الانبريال- البنز -الشفروليت)
ومثل ما انتوا عارفين ان القرى دخلت عليهم السيارات متاخره شوي واول ماجتهم السياره يقولون انهم تناحشوا وماعاد تشوف الا غبرتهم..والي يطل مع العاير والي يويدز مع المثعب والي انحاش للزبير وللكويت ولاعاد رجع من ذاك اليوم ..
وبعد ما عرفوا حقيقتها وان الانسان هو المتصرف فيها راحوا وجابوا لها علف وبرسيم والماء ليطعموها..مايعرفون بنزين !!
..و اما عن وصفهم لها فانتشر الكلام على انها( دابة لها عيون كبيره وصوتها اقوى من صوت البعير)
الله اكبر ...مايعرفون اقوى من صوت البعير ):
.ولايوجد في الديره الا سيارتين او ثلاث..واكثرها لواري نقل تنقل الناس من القرى للمدن والعكس....
وطريقة النقل تكون ثلاث درجات (سياحيه- رجال اعمال - درجة اولى)..
السياحيه :
في الصندوق مع العفش والكفرات والعدة والحيوانات والطيور وغيرها .والغبار ينفخ خشومهم ودموعهم توصل الاذان.والشعر انواع التسريحات.واذا وصلوا الديره كنهم طالعين من قبر من الغبار.. وقيمتها (5 ريال) والصندوق ياخذ عدد كبير حسب كثرة العفش..ودائا مايكون الصندوق دورين دور تحت للعفش والي فوق للركاب..
درجة رجال اعمال:
وتكون في السله فوق الغماره مقابله للهواء النقي وتبعد عن العفش والضيق والمرافس..وقيمتها (10ريال) السله تاخذ خمسه تقريبا ودائما مايكون الاولاد الصغار فيها لحمايتهم ..
درجة اولى :
في الغماره مع السواق ..من قد الي مع السواق اكيد مرتاح ... مرتبة سفنجية راديو يرنع يسولف مع السواق وله كلمته في الرحله.. وقيمتها (15 ريال).. والغمارة تاخذ خمسة اشخاص..
واما عن مشقة الطريق فهوا متعب جدا وقد يقف السواق اكثر من خمس مرات حسب مسافة الطريق للاكل وللشرب وكذالك للصيانه وقضاء الحاجه..اما اذا غرزت السياره الله يعينهم عليها.. نزل عفش وركب عفش وهذا عفشي وهذا عفشك.وخذ صياح..
ودائما مايكون في السياره القديمه اربع توانكي ماء على الجانبين مع مطارتين للشرب تعلق على المرايه الجانبية .. ويركب صاحب السياره الشد (الهانقلين) لكي ياخذ مساحه اكبر في صندوق السياره
...
اترك لكم بعض الصور


تابع

اه يا زمن سيارات ما نشوفها الا في افلام الكرتون

هناك معلومة قديمة تقول أنه عند دخول أول السيارات للسعودية
وعلى ما أعتقد أنها تلك السيارة الهدية للملك عبدالعزيزفي بداية الثلاثينات أو الأربعينات
كانت مدينة لوس أنجلس الأمريكية تكتض بزحام السيارات
أضف لها ناطحات السحاب في نيويورك في تلك الأيام

ولكن ليس هناك أي مشكلة فما لدينا من السيارات الفخمة والتنوع هذه الأيام
لا يقل عن الغرب الإ بالعدد

أهم شئ الدراهم جاهزة
فالطلب موجود

مشكور على الطرح والصورالجميلة

.

جزاك الله كل خير على هذا الموضوع

]وجعله الله في ميزان حسناتك]