طفلتك ... ماتملك سوى حلم محصور.....!!

[طفْلَتْك ماتملك سوى .. [ حلْم محصور] ...










لحظه وطن..! مادامك اليوم مهجور
............ بآمنّي المنفى ....\ وِ أنفي الأماني...!
طاحت من اكتاف التعب [اربع شهور]
............وصاحت من اتعاب الكتوف .. \ السواني..!
وصار الحزن[شباك]..والصمت ديكور
.............وبْكاي .. [ترتيلة مطر] .. للمواني..!
والدمع شمع.. ومعظم احيان [بلّور]
............يتمرجح اهدابي.... \ ليا من بكاني..!
كلْ ماأغني يختنق [ صوت عصفور]
...........وكلْ ماسكتّ .. تْموت فيني [أغاني] ..!
وكلْ مامكاني يجْفِيَ [ اصابع النور ]
...........أشعل اصابيعي .. وِ أجفى مكاني..!
ومن كثْر مانا [طاغية].. حسّ وشعور
.............مابي هلي يدرون ... اني أعاني..!
أطلع ابَرْوز [ضيقتي] فـ آخر السور
...........إلين تبكيني ...\ السكك والمباني..!
وارجع و ِألقى ( ياوطن) .. ضيق منثور
..........إسمع... \ ولا تنثر دموعك ..عشاني..!
طفْلَتْك ماتملك سوى..[ حلْم محصور]
..........و[ شويّة العاب ] ... \ وحكايا مواني ..!
تحْضِر غياب وتلْتحف..:غيبة حضور
...........ينسونها ...\ وتقول: محد ٍنساني..!
تحْلَم.. وتخنق حلمها .. [ وحْشة الدُور ]
...........والمدْرسه....وهواش [ أبله تهاني ] ..!
وعلى كثر مابلّل اطرافها ... [ النور]
..........تفرد أصابعها .. \وِ [تطفى ] معاني ..!
وعلى كثر ماتترك الصبح [ ممطور]
..........تذبل ... لأن الصبح دايـم .. [ أناني ] ..!
مامات من [ برد الصباحات ] .. عصفور
..........بس هيّ [ ماتت ] .. من كثِر ماتعاني

شكرا لمرورك على موضوعي

أقدر لك زيارتك ومشاركتك

لا عدمت حضورك

تقبل أجمل تحية