بدع /ضيف الله العامري
الله وش هذا الشكل في المنيمس وش نقول
ياهني الي معه راس مالاً وشترا
من قناها خير من دم وريد وماي شوف
كنها السيف المهند مع حضرت جنابي
لو باعلقها على المتن ماكل امتني
الردالشاعر/ هميل بن شرف
مرحبا ياشاعرا في كلامه وش نقول.
ونت ياللي تسمعه وش تشوف وشترا.
في كلامن يرشد التايه اللي مايشوف.
هذا وجهت راي مني ومن حضرت جنابي.
واجب اعلمك لوكان ماكلمتني
ردالشاعر/صالح معيض الحارثي
نلتزم بالصمت ياشيخ ولا وش نقول
في تواصل بعضنا مع بعضنا وشترا
البصير اشبه بلاعمى بعينه مايشوف
ونا لا قلتك خلك مع حضرت جنابي
حجتك من عيد لا عيد ماكلمتني
ردالشاعر/ عيضه البيضاني
وش نقول أن غبت يا نور عينى وش نقول
أنا مدرى من صروف الليالي وش ترا
أنا مابى الا الذى لا يحس وما يشوف
كان لك موعد زياره مع حضرت جنابي
وأنت لك من فوق عامين ما كلمتنى
ردالشاعر/سعد قاسي الحارثي
يا زميلي في كلامآ طرحته وش نقول
قل لنا يالعامري ويش علمك وشتراء
ادعني واجيك لو ابن قاسي ما يشوف
خلها روحه وجيه مع حضرت جنابي
حتى لو كلمت غيري ولا كلمتني
ردالشاعر/زين القرني
ياضيف الله طول الوقت مادري وشنقول
كل علمن جيتبه وانت بالله وش ترى
حتى الاعماء دل دربه لونه مايشوف
والله إني أحب من يحترم حضرت جنابي
وانت لك شهرين ياشيخ ماكلمتني
ردالشاعر/حمد بن مسفر الشمراني
بعد طول الهجر والبعد منكم وش نقول
وانا بقبل ذمّتك وش تقول ووش ترا
القضا بيديك والقاضي اعلى مايشوف
أعطني حلك لها اليوم في حضرة جنابي
لايجيني علمها وأنت ماكلّمتني
ردالشاعر/ عواض محمد العامري
في مشاكل سوريا وش تقول وش نقول
يابوثامر هات رايك وقلي وش ترا
يوم غيرك يسمع العلم لكن ماي يشوف
القصيده جات والرد من حضرت جنابي
لاتقل ياصاحبي بعد ما كلمتني
رد الشاعر/ علي حمدان العامري
ياضيف الله في المثل ماعجزنا وش نقول
مير قلي ف الزمن يابن عمي وشترآ
يمسي العاقل بصيرن ويصبح مايشوف
حتى جارك مايصل والخؤ لومجانابي
وان عتبته قال اليش انت ماكلمتني
ردالشاعر/سعيد بن صالح العامري
ويش اوصف يا حلا ريم نجد وش نقول
غير قللي وش ترى في صدودك وش ترى
كن قلبك ما صفالي ونونك ما يشوف
كل يوما صوب دارك يجي حضرة جنابي
وانت ما سايلت عني ولا كلمتني
ردالشاعر/ خالد بن سالم العامري
يا ابو ثامر وش تقل في ابن سالم وش نقول
في قصيده في لحونه تكلم وش ترا
يمكن انته شايفن شي غيرك مايشوف
انت لو تبدع وكان الخوي حضرت جنابي
جيتلك بالرد لو كان ما كلمتني
ردالشاعر/متعب بن ظافر الحوالي
لاتقلي ودي اشيل قولن واشنى قول
يابو ثامر وش ترى في زمنا وش ترى
من عمي قلبه لو بحلق عيونه مايشوف
اجتني بالخصم ويموت خصمي ما جنابي
مااتقيصر عنك لو كان ماكلمتني
ردالشاعر /سعييد بلغيث علي العامري
يابوثامر اسمع الهرج منا وش نقول
اشهد انك محزمي في شدايد وش ترى
والردي ياجعل عينيه دايم مايشوف
ابوشافي عزوتك ونت لي حضرت جنابي
هات بدعك لا تقول مابعد كلمتني
قصيده بدع من الشاعر ضيف الله العامري ورد من عدة شعار
مراقب منتديات ال حبه العامة
منتــــديات آل حبه المنوعــــة
العرض العادي
