لاصار خلك يستحق المسبة

هذه قصيدة اعجبتني للشاعر الكويتي طلال السعيد
آمل أن تنال إعجابكم

لا صار خـلـّـك مستحق المسـبـّــة
....................سبـّــه ترى العشــاق غيرك يسبــّــون

لا آبوه لا آبو الحب من قلب سبـّه
....................لا آبو الغرام اللي يحدّك على الهــــون

أقول من هبـّــاك يا خبل هبـّـــــه
....................الدون ما يســلك معــاهم سوى الدون

عزّ الجفا ولا هـــوان المحـــــبة
....................مآخوذ من يصـــبر على الذل مغـبــون

أظهر قواة البـأس والضعف خبـّــه
..................ترى الضعيف ضعـــيف لا طعـــم لا لون

الرأس ما أحــد يقطــعه غير ربـّــه
................أقول عزّ النــفــس ما أقول لك هـــــون

خلـّــه يولـّــي لا يذلـّــك بحبـّـــــه
............أبعـــد وتلــقــــاهم على البعـــد يدنـــون

وإلا أنت لو ترقـــد وبالعين شبـّــة
..............أبرك من الـلــي يجرحــونك ويســـــلون

يا جــاهل إفهـــم خذ من العلم لبـّــة
............إصــبر وتـنــســـى والعذارى ينــســّــون

الرجل عـقــله دائماً قــبل قـــلبــــــه
.............مـاهو عمــى بالقلب ومفــتـّــح عيـــــون

لا قدّمــوا حبـّــة تقدمت حبـّـــة
...................وإن وخـّـروا وخرت والعــز مضمــون

ترى غلا هالوقت هبـّـة وهبـّـة
.............إغـنم هبـــوب الريــح لا تقلــب سكـــون

لا ساعدك حظـّـك تغـانم مهبـّـه
............لا تـرتهـــي يـجـيــــك يوم ويــصـــــدّون

كم عاشق خلـّـوه من غير سبـّـه
..............يصفق بكــف كف ما يــدري وشـــــلون

ما له جدى يا كــود دمع يكبـّــه
...............عليه سيف الهــجــــر والصــد مسنــون

هـــذا مـن أول يـــوم لو دلّ دربــــه
.................ما دشّ في دنيـــا المجــانين مجــنون

لـكـن تـبـــع قـلبـه وقـلبــه لعـب بـه
................واليوم يبــغى عون ما حصـّـل العــون

وإلا ضعـــيف النفس دايم مسبـــّـة
..............ودّك مســـاكين البشــــــر ما يحبـّـــون

صح لسان الشاعر

والله يعطيك العافيه(ابو نايف)

الرأس ما أحــد يقطــعه غير ربـّــه
................أقول عزّ النــفــس ما أقول لك هـــــون
الله يعطيك الف عافيه ابو نايف