رواية صرخة جنين في رحم عذراء

مازن: جو الحديقه روعه وربي ...
ربى :ااي يريح الواحد تدري يوم نزلت شفت ابوي طالع ..!
مازن:..............
ربى:ليش ساككت..!
مازن واللي واضح عليه متضايق:واذا طالع اساسا متى عمره جلس ..
ربى:حرام عليك طول وقته بالشركه وهذا الوقت اللي يطلع فيه مع اصحابه
مازن:كبرنا وبنشيب وهو طول وقته مشغوووووول..!
ربى:مازن انت متضايق من ابوي,و ادري انك متضايق وشفت بروسنالك وربي عورني قلبي
لكن يامازن ابوي رجل اعمال يعني طبيعي مشغول دايم ولولاه ماصرنا بالعز هذا.
مازن واللي كلام ربى حرك كل مشااعره وخل الكلام يتسابق ع شفاته
والاحاسيس تتزحم عشان تثور ماكان احد يسمع له غير ربى ,,,!
مازن:انا مابي عز مابي فلوس مابي حياه ترف..!
والله ماابي ابي اب يحس فيني ..ياخذني معاه وين مايروح ..يسالني عن دراستي
يسالني عن طموحي..يوجهني ..يسولف لي عن ماضيه ..يجلس معاي بدون
مايشغله شي عني..اب اخاف منه اب احس بالامان لاشفته..

ربى:.............(كانت ساكته تبي مازن يتكلم ويفضفض)
مازن وهو يطالع للمسبح اللي قدامه ..وكان الهدوء وصمت ربى وسائل
كسرت حاجز صمته..وخلته يتكلم

مازن: يعتقد ابوي اني بكل اجازه نصفيها اني مبسوط
اننا طالعين برى المملكه..وانا مايهمني كنا بااوكلاند.والا مانشتر والابلندن
والا باي مكان..
كان يسعدني اننا سواء واننا نسكن بسويت واحد..
وربي شعور ماتتخيلين شكثر كان يفرحني انام واصحى وااحس
الكون كله يغني لي..!
ربى ماقدرت تتحمل كلام مازن اللي اوجع قلبها ..لانها قبل تسمعه من مازن
تحس بشعوره وباحساسسه ..ماقدرت تقاوم دموع ارتسمت بعيونها..!
ولاحتى قدرت تكتم الاهات اللي تصرخ بداخلها..!!
لحظات قاومت فيها شعورها وماحبت تبين لمازن شي ..!
ندى وهي تطالع بالارض:كلنا نعيش نفس الشعور يامازن..
مازن وهو يتنهد وبدون يطالع بربى ........
مازن:ااه شعور اليتم ايتام لكن بمرتبه 5نجوم. .وقسم ايتام ياربى ايتام بس اللي يفرق اننا ايتام عايشين بعز يعني نعيش نفس الايتام نفس شعورهم بالضبط شي يقهر ..والله يقهر

ربى:...............
مازن التفت ع ربى اللي دموعها تسيل ع خدها ..كان كلامه زي
السكاكين اللي تدخل..جواها.. حس بالندم هو يشوف دموعها
تقاسيم وجهها البريئه ..والدموع اللي تنزل كان موقف مؤلم بالنسبه
له مؤلم ..!
مازن بنبره حنونه:ربى حبيبتي والله اسف ماقصدت ..انتي جايبتني بتهديني
صرت انا اللي ازيدك والله ااسف..
ربى تحاول تمسح دموعها ولكن موقادره..!
قرب منها ومسح دموعها وهو يقول:والله حرام هالعيون الحلوه تبكي..!
انا اسسسف ..وقام وهو يحس بالالم يسكن قلبه ..صوره الحزن اللي
ارتسمت ع وجه اخته قدر يفسرها بدون ماتتكلم
راح لغرفته بدون مايلتفت ع ربى....ماكان يبي يحرجها اكثر او حتى يزيدها.!

×××
ندى ع الواتس اب ..تبي لمى ترد عليها لان لمى مقفله جوالها الاساسي..وجوالها هذا
الخااص دايم مفتوح بس ماترد ع مكالمات ندى..!
ندى ترسل:بسببس ميو..!وحاطه فيس بسه
لمى ماترد عليها..!
ندى ترسل...(ياحلو عطنا وجهه)..!!
ياقميل ياحلو يارايق..خل عنك التغلي.......!
لمى ماترد عليها ومطنشتها.....!
ندى صورت نفسها وهي منسدحه ع السرير ..
وارسلت بيت شعر
«`×ليتك تقول ابعد وانااقــول لبيه...!
اهون علي من صـــــــده مالها اسبـــاب...!
×

لمى ماقدرت تتحمل تتغلى ع ندى رغم انها تتغلى ورغم
ان ندى ترسل بيت الشعر من باب تستعطفها ترد..!
لمى:حاطه فيس معصب ..!
ندى:ارحمنا ياثقيل ياانت..!ياهلا بروحي وحيااتي وقلبي ودنتي..!
لمى :هلابك..!
ندى:شف يابسبس ياتتعدل وتخلي حركات البزران والتغلي والا بروح اخمد..!
لمى:تلايطي يعني انطمي واسكتي مقفله بوجهي وربي قمت القط وجهي..!
ندى:يحوووووول كل هالزحمه عشان تسكيره الجوال..!بايخه وقسم..!
لمى:نيهاهاهاها اتغلى يابقره يعني ماتعرفيني.!
ندى سكتت وماردت ..
لمى ترسل لها:كدوووووووش وين رحتي..

ندى :يالله وش تبي ذي دقاااايق وارجع لك....!
لمى :شفييييييييييييك .........!
ندى : وحده مرسله لي مسج تقول اذا صاحيه دقي علي ضروري موضوع يهمك..!

لمى:ميييين هي منو البنت ووش الموضوع؟؟ووش تبي ؟؟؟
ندى: مدري مدري برب
لمى:ندى وش السالفه...وش صااير .........!
ندى ماردت ع لمى ..ولمى ماتدري وش اللي صااار لندى ...!ووش الموضوع.!
ندى موقادره تصبر مسكت جوالها ودقت ع نفس الرقم اللي ارسل لها
ندى:الو...
×××
فتحت عيونها بصصصصصصعوبه...ماتدري هي وين وكم سااعه لها ع ذا الحال..!حاولت تقوم موقادره
نظراتها تتنقل بالغرفه وتتفحص تفاصيلها...وين انا سؤال يصرخ بداخلها وين انا؟؟
لاقت نفسها بغرفه ووممدده ع السرير..وجنبها مسكن وحبووب وعلبه عصير..ولحاله بالغرفه...!
هدوء وظلام الغرفه...وصرخات سؤالها ..وين انا؟؟؟ووين انا...؟ رسم لها مشهد ررررعب
وخوووووووووف يسري بعروقها ....سلسله احدااث تتخيلها وبكل حدث تتخيله تتزيد معها سرعه انفاسها
تحس لكون كله يسمع دقات قلبها الخايفه...!جسمها يرتجف ..تحس الرجفه تسلسل لعظامها.....!
انفاااااس سريعه ..تحاول تقوم من السرير ..بتطلع من الغرفه بتسكت صرخات سؤالها ....!!
حاولت تستجمع قوتها وتحاول تقوم ...ماهمها وين بتروح ووش بيواجهها كان همها ..تعرف هي ووين...؟
بتعرف وش صار لها.....!!
بمعركتها وياتخيلاتها ومحاولتها انها تقوم من السرير..!
انفتح الباب بشويش.....!كانت الغرفه ظلام والنور وراء الشخص اللي فتح الباب موموضح ملامحه.
نوره حطت يدينها ع السرير وقامت بصصصصصعوبه وصرخت
نوره:ان ن ت ممممميي ي ن .!ووو ش تت تتت بي ممم ن نني<<(انت مين ووش تبي مني)
ماكانت تعرف منو الشخص...كانت مررررررررعوبه والدموع تجمدت بعيونها....!
شغلت نور الغرفه ..تبي نوره تشوفهها...!
؟؟الحمدلله ع سلامتك..ياحبيبتي..
نوره:انتي مين..؟و...!
؟؟..انا ......)

نكمل بالفــــصل الخامس

الفصــــــــــــــل الخامــــــــس..



راحت لدنيا جديده غصب عنها>>والزمان اللي تريده مو زمنها!!

غصب عنهافي غياب العدل صارت>>تشتكي من حظها وتبكي وطنها!

دمعها فوق الخدود يسيل حسره! >>كن آهات الخلايق في حزنها!!

تايهه في عالم المجهول تمشي! >>وكل نظره حايره أتقول منها!!
من ينسيها العذاب !اللي تشوفه>>من ينسيها الجحيم اللي حضنها!!

نوره جاوبيني انتي منو؟؟؟؟؟
قربت من نوره وجلست جنبها وكنها تتفحص ملامحها طالعت نوره بعيونها واللي حست ان هالمراءه اللي واقفه قدامها..موغريبه عليها كنها لمحتها بمدرستها او كنها لمحتها بحفله موغريبه علي حست ان بعيونها كلام تبي تقوله ..!
جلست جنب نوره ع السرير وبيدها ظرف.....!
نوره تنتظرها تتكلم تبوح تريحها من هالدوامه اللي هي فيها...!
؟؟: اجلسي بقولك شي ..!
نوره تحاول تقوم اسندتها المراءه لحد ماجلست ...!
نوره:اسمعك شنو هو قولي ؟؟
؟؟: نوره وش اسم امك الثلاثي وعائلتها...!
نوره تفاجأت من سؤالها ليش تسال عن اسم امي .....!!
؟؟: هاه يانوره امك وش اسمها؟؟
نوره وهي متفاجأه ولسا مصدومه من السؤال:ليش تساليني عن اسمها؟وووش تبين فيها؟؟؟
؟؟: يهمني اجابته جاوبيني يانوره انا عارفه وش اسمها بس بتاكد...!
نوره:اسمها منيره صالح عبدالرحمن ابراهيم الــ..!!
؟؟: صح عليك طيب هي وين ...!
نوره تنهدت وهي تطالع للارض والدموع ارتسمت بعيونها..حست ان هالسؤال فتح جروحها
وطعن قلبها بوقت هي مو ناقصه شي يزودها ..
نوره:الله يرحممها ماتت
؟؟:الله يرحمها طيب كيف ماتت ومتى ؟؟
نوره وهي تتنهد :ماادري انا من طلعت ع الدنيا ماشفت الا زوجه ابوي واذاا سالت ابوي عنها
يقول امي ماتت ..!
؟؟: طيب كيف عرفتي اسمها وهي ميته؟؟طيب خوالك خالات مالك احد من طرفها..!
نوره واللي بدت ترتسم بعيونها الدموع : عرفته من سجلاتي اللي بالمدرسه ومن شهاده ميلادي مكتوب اسمها.
اما خوالي ماادري انا كل عيد اقول لابوي ليه مالي خوال زي اخواني
اللي من زوجته يقولي امك يتميه ووحيده ....
وماتت ومالك قريب من طرفها.......!
؟؟:حسبي الله ونعم الوكيل فيه ,طيب افتحي الظرف....!
نوره استغربت من اسئلتها واستغربت ليش تدعي عليه..
نوره وهي متفاجاه :ظرف ايش ؟؟
؟؟: افتحيها وشوفي وش فيها....!
مسكت نوره الورقه وهي خايفه موعارفه ايش فيها يدينها ترتجف ..وبراسها الف سؤال ..فتحتها بسرعه ولاقت فيها بطاقه هويه...!بدات عيونها تتفحص البطاقه ...!
لمحت اسم وقفت عنده افكارها...وتحس الكوون كله وقف معها...!!
عيونها موراضيه تصدق الاسم تجاهلت كل الاسماء اللي بالهويه وركزت ع الاسم اللي شد ذهنها ووقف عقلها ...حتى الكلام ماات ع شفاهها...
طالعت قرته مره مرتين ثلاث معقـــــــــوله لالا لا مستحيل هالشيء مستحيل يصير..
اسم الزوجه: منيره صالح عبد الرحمن علي الــ
التفت نوره عليها وبدون شعور سالتها : انتي اسمك منيره؟؟
منيره:أي انا..!
نوره وهي تتفحص ملامحها وتبيها تتجاوب السؤال اللي يمكن من صدمتها تحس انها بحلم ...!
نوره:اسمك نفس اسم امي لهدرجه تشابه الاسماء.......!!
منيره صرخت وهي تبكي :انا امك يانوره امــــــــك !!
نوره وهي مصصصصصصصصصصدومه :كيف شلون امي مااااااتت؟؟؟؟؟؟؟
منيره قعدت تبكي :امك ماماتت امك حييييه حسبي الله عليه حرمني منك نوره انا امك والله امك وش يثبت لك غير الهويه
تبين تشوفين صور ابوك صورك وانتي صغيررررره وش اللي بيخليك تصدقيني ؟؟؟؟
نوره:كيف كيف تكونين امي ابي افهم موراضيه اصصصصدق ووينك عني وينك........؟
منيره وهي تبكي:والله العظيم اني امك (فتحت الظرف ووطلعت صوره من شهاده ميلادها واللي اخذته صورتها من المدرسه )
منيره:اقري يانوره اقري...!
شوفي وش مكتوب الام:منيره صالح عبد الرحمن علي الــ...!!
شوفي مكتوب الوقت اللي ولدت فيه واليوم والتاريخ ومكتوب طفله مو ذا نفس تاريخ ميلادك مو ذي صوره لنفس شهاده ميلادك ...وشوفي الصوره من بطاقه الهويه هذي قبل مايطلقني مو ذا ابوك شوفي اسمي بالبطاقه واسمك ؟؟

نوره انهااااارت بدون شعور ضمتها وهي تبككككككي مصدومه من سلسله الاحداث اللي قاعده تصير لها ...كانت بهاللحظات العصبيه محتاااااجه حضن يضمها يحن عليهاماكان يهمها شي كيف ووشلون وصلت لي امي كل هالاسئله بتلاقي اجابتهم بس يهمها انها اكتشفت كذبه ابوها رغم قسوته حرمها من امها

حست ان الدموع صارت دم كيف كيف يحرمني من امي ويقول ماتت.؟؟ليه ليه خلاني اعيش يتيمه ..افكار وتساؤلات ضاعت فيها نوره قد ماتقدر ضمت امها وهي تحاول تدفن نفسها فيها ...تدفن نفسها بحضن ياما احتاجت له وهي صغيره .ياما احتاجت الحضن هذا وقت المرض ووقت الفرح ووقت التعب ..
عاشت طفولتها وهي مايضمها الا الزوايا اللي وحدها تقدر تلمها بصمت..!

×××
ندى :الو اهلين منو معاي والله صوتك مو غريب..!
رنا:انا رنا نسيتني ياندى..!
ندى وهي مصصصصصدومه:رناااااااااااااااااااااااااااااا

ياهلا بحيااااااااتي وروحي وعمري كله حرام عليك وين رحتي وين اختفيتي ..
رنا:ااه ياندى خليها ع ربك ..
ندى :وش صاير رنا تراها سنه عارفه وش معنى سنه ...لاحس لاخبر لااتصال ولامسج حتى بيتكم نروح لهمم مايعطوننا جواب...
رنا واللي وضح من صوتها انها تبكي:ندى تزوجت
ندى مصدومه :ايششششششششش وش تقولين ....؟؟؟؟
رنا وهي تبكي:وربي لي 10شهور متزوجه...!
ندى واللي موقادره تصدق شلون زوجوك شلون صغيره وليه وشلون صار ذا كله..!وش المصخره ذي؟؟
رنا:ماادري خطبه وملكه وزواج بدون حفل ولاشي..!
ندى :شلون موقادره اصدق...!
رنا:والله اشتقت لكم ..بس وربي غصب عني غصب تعبت نفسيا وربي..
ندى:يالله وربي حنا مرات نقول تركتنا ومرات نقول ماتبينا كلام كثير توقعناه..
بس الف الف مبروك زواجك رغم انه متاخر..!
رنا:يبارك فيك يارب ..
ندى :طيب ليه زوجوك......!
رنا:آآآآآآآآآآآآآآه ياندى اأأأأأأأأه ...ابوي تسلف منه 300الف ع اساس يسددهم من قيمه بيع المزرعه لكن المزرعه ماانباعت لان فيها مشاكل ع الصك ومدري شنو وتاخر..وماقدر يسددهم له..وقاله ماعندي ماعندي..!
وقال لابوي: اتنازل بشرط ..تزوجني بنتك..!
ندى:وانتي وافقتي ؟؟؟؟
رنا:ااي وافقت شسوي ..عندي اخوان صغاار ..من ابوي من لهم غيره..وانتي عارفه امي متوفيه وعايشه عند زوجه ابوي..!هي ماقصرت معاي بس الضروف ياندى صععععبه
ندى:حسبي الله ونعم الوكيل.. كان قلتي لي وربي لادبر لك المبلغ وربي لادبره ..!
رنا:صحيح حالتنا الماديه متوسطه لكن ياندى انا مااابي احد يتكرم لي..
ندى:لاتفهميني غلط ..اعتبريهم سلف ولا تتزوجين وتضيعين مستقبلك وحياتكـ..
رنا:هذا المكتوب ياقلبي موبيدي شي خلاص تزوجت وصار اللي صار...!
ندى:طيب كيفه معااااك ؟؟
رنا:الحمدلله رغم ان عمره 33الا انه مدلعني مومقصر علي بشي ..!
ندى:ياحياتي والله هذا اهم شي ..ِشفتي شلون لانك رضيتي ابوك وحاولتي تنقذينه من السجن ربي وفقك وربي يارنامبسسسسسسوطه عشانه مدلللعك هذا احلى شي مصير البنت بتتزوج وبتستقر ..!
رنا:أي وربي صدقتي الحمدلله ع كل حال ..قولي لي كيف الشله ..!
ندى :تتنهد أي شله..!
رنا:شلتنا يعني شلون..!

رنا:أي وربي صدقتي الحمدلله ع كل حال ..قولي لي كيف الشله ..!
ندى :تتنهد أي شله..!
رنا:شلتنا يعني شلون..!
ندى :كيمو زوجها ابوها بالغصب ولد عمها لانه شاف محادثه مشفره مع وحده ع المسن..!ولعن جدفها وصارت وضربها ووووانتهت معانتها بزواجها منه
رنا :احلفي مسستحيل مستحيل تتزوج وكيف تتزوج واستايلها كذا..
ندى:وربي رحمتها أي استايلها مسترجله مدري كيف تتزوجت ..بس وربي لعن جدفها لعن ماتصدقين وش مسوي فيها
رنا:ليشششششش ...وش يسوي ومتى هي تزوجت اصلن..!
ندى :تزوجت قبل 5شهور..اخر مره سولفت معاي ع المسن تقولي يناديني ياالاخو..يتطنز فيني ..وتقول مره شفت بنت حلوه بالسوق وقلت له ببراءه الله لو يرزقني ربي ببنت مثلها قالي:ليه عشان اذا كبرت تخاوينها ...
رنا وهي معصبه:حسبي الله عليه طيب هي خلاص تزوجت ليش للحين مسويه نفسها مسترجله ...!
ندى:هي صارت كيوت ولبسها لبس ناعم وكذا ..بس مجتمعها كل الناس اخذين عنها فكره انها بويه وراح تبقى بويه..
نظرتهم فيها ماراح تتغيرر...!
رنا:طيب البنت هي وش رده فلعها بعد زواجها يعني وش تقول..؟
ندى:هي تقول انا غلطانه ماانكر وماللوم ابوي لو زوجني ..وتقولي والله ادري ان يوم كنت مسترجله اللي اسويه حرام ومايرضي ربي ..لكن وربي تغيرت بس محد راضي يغير فكرته عني ...لدرجه يستقصدون يجرحوني بالكلام...!!
رنا:ياحياتي ياهي ياروحي عليها معاك رقمها ابي احاكيها وربي مشتاقه لها..!
ندى:ماتقدر تكلم بجوالها ..لانه ما يبي غير امها وخواتها احد ..هي من فتره لفتره نتواعد بمكان واشوفها فيه بمول ..وهي الي تتصل اذا طلع مانقدر ندق عليه..
رنا وهي تتنهد::حسبي الله عليه وش هالقسوه ذي.......!وربي ان حالتي ارحم منها..!طيب والباقين..!
ندى:لمى معاي وميشو نقلت لينبع .. ومتواصله معنا..وسومي راحت لسكول ثاني وقبل فتره تقول احتمال ننقل لعنيزه ...وسمور صارت لها سالفه مع خويتها سولاف كشفتهم امهم بالغرفه..وسولاف فصلوها اهلها عن المدرسه من بعد ذاك اليوم وماعاد ندري وش صار فيها حيه ميته..
اما سمور الله يشفيها..
رنا وهي منصدمه:لاحول ولاقوه الا بالله وش هالمصايب اللي تصير ذي كل هالاخبار خلال سنه وحده..
سمور شفيها وش مريضه فيه.....!
ندى:يعني وش تتوقعين نهايه الشذوذ والانحراف؟؟...شي طبيعي مصايب بمصايب.. تقول لي بنت خالتها ان ابوها نقلوه للرياض وانتقلوا للرياض ..وصارت تتعالج عن الهربس(نزلت دمموع ندى غصب عنها)..وو وماصارت مسترجله تابت ..والحين ماتقوم من ممصلاها وربي يارنا ضاااق صدري عليها واحاول الاقي رقم لها اابتصل وكذا لكن بنت خالتها تقول هي ماتبي احد..عايشه نفسها لنفسها..(ندى موقادره تمسك نفسها قعدت تبكي حاله صديقتهم يكسر الخاطر والمرض اللي ربي بلاها فيه كان مرض ماله الا مسكنات او علاجات تخفف منه بكت ندى لانها عارفه ان هالمرض صابها ابتلاء من الله لانها كانت شاااااااذه لدرجه خربت كثيروتحرشت بكثير...)
رنا:هاااااه وشو المرض الهربس؟؟وش المرض ذا؟؟؟
ندى:مرض جنسي يوم قريت عنه يجي عن طريق العلاقات الجنسيه الشاذه.. انت عارفه سمور شكثر كانت منحرفه ..وكم بنت تشذ معاها.....؟
رنا ماقدر تمسك نفسها صارت تبكي:ااااااااااااه ياسمور ياحياااااااتي ااه ياسمر كم مره حذرتك كم مره ااه ليتها سمعت كلامي كم مره اقولها بيصير لك شي من هالشي اللي انتي مدمنه عليه..لكن وش بينفع الحيييييين تكفييييين ندى تكفيييين
الحين كيفها وش اخبارها ؟؟؟؟
ندى: و واتوقع اعدت سولاف فيه لانه المرض فيها من زمااان ..والبثور والتقرحات اللي طلعت فيها سبق و طلعت بسولاف وكد شفت فيهم نفس التقرحات بس توقعتها تقرحات اكزيما او أي شي ...وربي يوم قالت لي بنت خالتها تجمد الدم بعروقي .......!ومره خففففففت!!!
رنا وهي تبكي:يالله يالله يالله ياربي تسترنا فوق الارض وتحت الارض...!الله يشفيها يارب اهلها يدرون عنها..
ندى وتمسح دموعها :لو عرفوا ذبحوها لاطبعا بس بنت خالتها لانها تشتغل بالمستشفى ...واحيانا تكذب سمور ع اهلها ع اساس بتروح مع بنت خالتها بتغير جو وهي تروح لمواعيدا....بس تكفيييييييين يارنا لااحد يعرف بذا الشيء ترى وربي مااحد يعرفي غيري
وغير لمى اماااااااااانه ...


رنا:اااااااااه ياسموروقسم ضاق صدري عليها...الله يكون بعونها لاتطمني مو قايله..وربي منصدمه وش هالمصايب اللي تصيرطيب تكفين شلون نتطمن عليها
ندى:اااااااه يارنا عن طريق بنت خالتها من فتره لفتره تطمني عليها ..
لحمدلله ع كل حالامقدر ومكتوب .. قولي لي انتي ببريده ؟؟؟والا وين...؟
رنا: الله يشفيها يارب أي ببريده ساكنه أي بقولك ترى بكمل دراستي بدرس معاكم هو موافق ماعنده مانع...!
ندى :حلو وربي خبر يفررررررح ع الاقل اسمع شي يفرحني وربي مشتاقه لك.
رنا:يابعد روحي والله...!نودي حبيبتي زوجي جاء احاكيك بعدين..
ندى ابتسمت يوم قالت رنا زوجي موراضيه الكلمه تخش راسها :اوك حبيبتي يلا باي

تنهدت ندى ماتوقعت هالمكالمه الطويله بتفتح جروحها وذكرياتها والالامها ..سمور ..سولاف..سومي ..ميشو ..
اصحاب كانوا واخذتهم الاقدااار .......حست انها مخنوووووووقه حيييييييييل....حيييييييييييييل..!
طالعت جوالها 2 وتلاقي 40اتصال و3مسجات وكلهم من مسجات من لمى............!
فتحت المسجات المسج الاول(ندى ووجع من تكلمين ..ووش صاير ..)
المسج الثاني( ياحماره سكري من المكالمه وقولي مين تكلمين كل ذي مكالمه.)
المسج الثالث(اوووك طنشي ...طنشي الشرهة علي اللي محرقه نفسها عشانك)
ضاااااااااااااااق صدرها حييييييييييل مالها بالدنيا غير لمى ..وماتحب تشوفها متضايقه...!

دقت عليها بسرررررعه وهي مخنووووووووووقه...
ندى :الو
لمى بعصبييه:وووجع يوجعك يامال اللي مانيب قايله اعنبوك وش انتي وش حجر ..سافهتني وماتردين ع الاقل ياطعسه يادلخه فيه اختراع اسمه مسج ارسلي مسج لي مو تاركتني كذا ...اعنبوك وربي قلبي طاح ببطني من الخووووووف...!قلت البنت فيها مصيبه شوي والا ادق ع اختك ربى انجنيت.. وربي لايطلع براسي نخل اعنبوك وش اسوي فيك هاااه قولي وش اسوي ؟؟؟
ندى :.....................
لمى:ندى شفيك سااااكته......!
ندى تبكي موقادره تمسك نفسها ...
لمى :حياتي ندى وربي اسفه وقسم اسفه بس انقهرت عشان اني خايفه عليك يرحم الي خلفوك ..وش صاير شفيك..
ندى وهي تبكي:ماصار شي بس مخنوقه يالمى مخنووووووقه....
لمى :حياتي انتي شفيك وش صاير...
بدات ندى تقول لمى ووش صار لها بالمكالمه مع رنا بالتفصييييييييل ........

×××

الساعه 6ونص صباحا
احلام:قومي قام عظم الظالم تاخرنا.....!
ميهاف وهي تصرخ :ااوووووه انتي بجامعه انا شدخلني فيك تراي ادرس بمدرسه اهليه ...يعني اي وقت اروح..
احلام:باللهي تنكتين والا تحاولين تنكتين ادري مالت مدرسه اهليه فرحانه ترى ندري انك الوحيده اللي بالعائله اللي خشت مدرسه اهلي قومي قومي يلا تاخرنا.....!
ميهاف معصصبه:يلعن شكلك مورايحه معكم بروح مع فيصصصل يلا روحي عني ...
احلام:كيفك ان شاء الله عمرك مارحتي..
ميهاف ماردت عليها واخذت الروب وراحت تاخذ لها شور...!
نوره:يلا يابنااااااات لاتتاخرون ترى موحاله كل يوم تقل بزران اصحيكم ...
فيصل:ميهاف انا اوديها ..وش فيكم عليها..
احلام:مومخرب ميهاف بالدلع غيرك وغير ابوي...!
فيصل :هع هع تغارين ادلعك ترى بس تعرفين ميهاف اخر العنقود ..
احلام :لاتدلعني يكفيني دلع امي (وتغمز لامها)
نوره :هههههههههه يالبى بنتي الكبيره وه بس عساني ماانحرم منها...!
فيصل ويطلع هويته :لالالا الظاهر اني ولد الجيران يايمه سحبتي علي مو وولدك.....صبر بقراء اسمي...!
حمد دخل عليهم :ههههههههههههههههههههههههههه ............لو قالوا انك مو ولدي وخبوك بين الناس بطلعك بشي واحد
فيصل وهو يضحك :وشو الشيء
احلام :خشمه واالا كشته..
نوره:هههههههههههههههههههههههههههههههههه
فيصل:يالبى خوشمي بس ..
حمد وهو يطالع نوره:من ملامح امك اللي اخذها منها ....
نوره:احم احم وضحكت ....
فيصل:ياويل قلبي بس أي وانااقول ليه خقه طالع ع امي ...
احلام:كح كح نحن هنا ياقماعه
حمد:هههههههههههههههههه اقول لايكثر بس يلا تاخرنا يااحلام..
احلام :ايه واالله...
طلع ابو فيصل واحلام وفيصل راح يلبس .. اما نوره كعادتها راحت تكمل شغل البيت وترتيبه.......!


×××
بيت ابو مازن ::
كالعاده هدوء وماااحد بيدرس اليوم ..الشيء الوحيد اللي بيكسر الهدوء ان ابو مازن ينزل للشركه الساعه 9الصباح..!

×××
بيت ابو زياد
هدوء ولااي صوت.......بس يادوب صوت زياد وهو ينزل مع الدرج ومعاه شنطته..!
اليوم موعد طيارته لبريطانيا وهو الوحيد اللي تذكر الموعد نزل بسرعه باقي ع الطياره ساعه ونص ...
نزل باقصى سرعه صوت الشنطه وصوت رجوله وهي تنزل مع الدرج كان هو الصوت الوحيد اللي يززلزل هدوء
الفيلا..واول ما سكر الباب الخارجي وركب مع السواق يوصله حتى رجع الهدوء للبيت مره ثانيه..

×××

بيت ام تركي...!
كح كح كح وصوت كحتها يتردد بالبيت كان صوت كحتها هوو الصوت اللي يصحي تركي كل صبح..!
تركي قام بسرعه:وطلع للصاله وهو يشوف امه لابسه عبا يتها وبتطلع..
تركي:يمه تكفيييييين ارتاحي...!
ام تركي:لا ياوليدي لقمه العيش لازم ندورها ترى اختك منى صلحت الفطور والقهوه واالشاي قبل تروح لجامعه..

تركي:يمه وربي تعب عليك سكر وضغط وصدرك التعبان ومع ذالك تشتغلين ..
ام تركي:ياعيون امك انت كح كح .. 2500ريال بالشهر نعمه من ربي ع الاقل تسد احتياجتنا ولانمد يدينا للنااس..
تركي:ااااااااه يايمه خليني اتوظف بس وربي لاريحك وربي لاسكنكك بيت ملك ..واخليك تلبسين اكشخ لبس واجيب لك شغاله تريحك ووو و...(قاطعته ام تركي:ياروحي انت ..شد حيلك ياولدي ترى وربي مافيه شي يفيدك الا شهادتك والحمدلله ياوليدي حالنا احسن من حال غيرنا...
ووودعته امه وطلعت لانها تاخرت ..اما تركي فالقهر اكل قلبه امه المريضه تشتغل مستخدمه بجمعيه خيريه..
كان نفسه يسوي أي شي بس يشوفها مرتاحه...يشيل كل هالهم والالم اللي فيها فوق تعبها والالامها ..تشيل هموم وسط صدرها ..اااااه يالفقر ااه ياقله الفلوس
ااه يالديون اللي فوق راسي يارب سااعدنا ياارب...

دخلت تجر خطواتها للصاله بشويش فتحت الباب وطلت بتشوف فيه احد ..
نادتها امها
منيره:نوره امداك نمتي يايمه..!
نوره:نمت 3ساعات وربي احلى شي نمت بحضنك بكيت بكيت لحد مانمت وربي ماحسيت بنفسي االا وانا نايمه..!
منيره:ياروح امك مالومك من التعب...!اجلسي يايمه افطري..
جلست نوره وهي تطالع بامها صحيح كانت مبسوطه انها مع امها لكــــــن حالتها صصصعبه ..والاسئله تصرخ بداخلها
كيف امي وصلت لي......كيف ...!وليش توها توصل لي وينها عني من زمااان وينها............!
ووسط لجه تساؤلاتها وحيرررررررتها قطع صمتها صوت امها....!
منيره: نوره قولي لي كل شي...انا عارفه الموضوع كلله بس ابي اسمعه منك.........!
نوره:وبدات تبكي جاوبني بالاول كيف وصلتي لي كيف...وليش توك توصلين لي......!
منيره:ابوك حارمني منك كنتي معاي لحد ماصار عمرك سنتين وبعدها يوم تزوجت اخذك مني ..حاولت بكيت ترجيته
ذليت نفسي له ابيه يخليك وياااااي رفضضض...شكيته للمحكمه صار الحكم لصالحه لانه مومتزوج وانا متزوجه...!
وربي فكرت اتطلق عشاانك .حرمني منك يوم صار الحكم لصالحه تزوج...!كنت اجي كل اسبوع ابكي عند باب البيت ابي اشوفك..يطردني ...والله جلست 4سنوات مرات اجي كل شهر مرات اجي كل اسبوعين اجلس عند بابكم يمكن تطلعين واشوفك ...صرت اسال جيرانكم عنك ...اي شي يصير لك يخبروني ..يوم درستي صرتي اجي للمدرسه عشان اشوفك
ياما بكيت وبكيت بس ماكنت ابي بنات عمك يعرفون اني اجي عشان اشوفك اخاف يعلمون ابوك ثم ينقلك لمدرسه ثانيه او يشتكيني ...كنت اجي كل فتره اشوفك وانتي تلعبين ..وانتي تضحكين وانتي لابسه مريولك ..ياما مرات اجي واعدل لك شعرك ويما مرات سويت لك جزمتك .....مرات اطلع ودموعي جفت من كثر ابكي ..اشوفك بس مااقدر اضمك مااقدر ..
انتقلتي للمتوسط ..وصرت بين فتره وفتره اجي ..ماحبيت احتك فيك كثير عشااان ماتستغربين وجودي او تتسالين وش تبي ذيي ...وماكنت ابي تعرفين اني امك كنت متوقعه انه قايل اني مت وكاذب عليك ..مابي اخليك تتعرضين لصدمه وانتي بهالعمر ..كان يهمني اني كل فتره اجي اشوفك واسال عنك من بعيد لبعيد.....ياما فرحت لاقالوا لي انك متفوقه ويما فرحت بيوم االنتايج لاعرفت انك نجحتي...!
دخلتي الثانوي ...خوفي عليك صار يكبر ويكبر ويكبر خصوصا اني عارفه ابوك وعارفه زوجته انه موراحمتك...!...ياما مرات ودي اصرخ واناديك نوره انا امك ومرااااات اتذكر ابوك واتذكر تهديده لي واتذكر انه ممكن ينقلك لمدرسه ثانيه ويمنعني اشوفك ..اخاااااااااف يحرمني حتى شوفتك...!
وادري تسالني كيف دريت انك تعبتي ..كل مدرسه تدخلينها يعرفون اني امك ويعرفون اني محرومه من شوفتك ويعرفون انو حتى ابوك مايدري عني/ واي شي يصير لك يدقون علي يعطوني خبر ....بس يطمنوني ..!ويعطون ابوك خبر..
وامس يوم طحتي واغمي عليك خبروني رحت انا ومحمد ..وسالت عنك وخبروني باي غرررررفه وسمعت كل شي صاااار........خليت محمد يروح بروحه لاني كنت عارفه ابوك وقتها موصاحي ..ويوم سالت الدكتوره وش اللي صار خبرتني خبرت محمد يروح يشوف ابوك وين بياخذك.. وانا خليت ولدي سامي يجي ياخذني .....!
عرفتي شلون وصلت لك ......عرفتي شلون...!!!
نوره قعدت تبكي من الصصصصصصصصدمه ماكانت مستوعبه كل هالصدمات اللي تجيها وراء بعضض كل هذا قاعد يصير ..وليششششششش بدون شعور سالت امها بعصبيه ليش تطلقتي منه؟؟؟؟؟؟ ليش تركتني .........!

منيره وهي تمسح دموعها:لانه راعي مخدرات ...يحشش ولايصلي ويضربني ليل نهار تعبت وتحملت مااقدرت حتى يوم اولدك جيراننا هم اللي ودوني لانه كان محشش وموبوعيه .......والله ماقدرت اتحمله تعبت معاااااااه
لكن يانوره كل هذا خليه ع جنب ..جاوبني ع سؤااااااااااااااااالي
صرخت عليها بقهررررررر كيف حااااامل ابي افهم كيف؟؟؟؟؟؟؟؟
نوره تبكي :يمه وربي مااااااااادري مااااااااااادري والله ماادري
منيره بعصبيه:كيف ماتدرين فيه وحده تحمل كذا لاتقولين انك ضيعتي دينك وربك لاتقولينها...؟والله يانوره لو يطلع جد
انك مضيعه شرفك مع واحد والله والله الموت لك اررررررحم......ولااتشرف انك بنت لي ...!!
نوره وهي منهااااااااااااااره :والله العظيم ماخنت ديني ..والله ماسويت شي والله يمه انا بالبيت محبوسه لااطلع ولااروح بس للسكول اطلع ..يمه يمه تكفين صدقيني وربي محد مصدقيني ..يمه يمه عسى الله ياخذ روحي اذا انا موبنت(موعذارء)
يمه انا بنت والله بنت انا عذارء يايمه ............انهااااااارت نوره انهااااااارت وبقمه انهياره صرخت وهي تقول مومصدقيني اخذني للدكتور واكشفي علي وتاكدي هالشيء صحيح او لا.................!!؟؟؟؟

منيره وهي تبكي :كيف بكذب التحاليل وبصدقك نوره انا باخذك للمستشفى ..يمكن غلطوا بالتحليل يارب غلطوا ..باخذاك لدكتور نساء تكشف عليك انا لو ماسمعتك بالمدرسه زينه ولمدرسات يمدحونك..و ..كان مستحيل بخلي محمد يخاطر بنفسه عشان وحده مضضيعه شرفها لو كانت بنتي ...........!!
نوره منهااار تبكي :شفيكم موراضين تصدقوني ..ليش موراضين تصدقوني ليششش...ياربي تكفى خذني وريحني ..ااه يارب انا منين الاقيها منييييييييييييين اخذني للدكتوره وسوي اللي تبين لو ذبحتني ترى ماراح تفرق خلالاص تعبت والله تعبت............!معاد شي يفرق معاي في كل الحالتين ميته ميته..
منيره مااتدري وش المشاعر المختلفه اللي تثور ووتتصارع داخلها شعور الامومه لبنتها اللي ذاقت من الدنيا العذاب بالوانه..او
تحاليل الدكتوره... كلمه حامل تردد بداخلها كيف حامل ......؟؟ووشلون ..هي تحلف وتقول والله ماسويت شي
مستحيل بكاها وحلفها يكون تمثيل...لكن شلوووووووون شلووووووون حاااااامل؟؟؟؟؟
قطعت كل افكارها ودقت ع جارتها ام علي ..
منيره:هلا ام علي تقدرين ترسلين علي السائق حقك بروح مشوار صغير..!
ام علي :هلا فيك..اي ابشري من عيوني دقايق ويصير عندك...!
منيره التفت ع نوره بنظره اختلطت فيها مشاعر القهر والامومه:نوره يلا البسي عبايتك كل اسئلتنا بتجاوبها الدكتوره والتحاليل .....!
نوره تبكي منهاره قامت وهي تبكي تمنت ان الموت ياخذها يريحها ..من الحال اللي تعيش فيها ..اصعب شعور ان الشخص
يحس ان الدنيا كلها ابوابها تقفلت بوجهه يحس وين مايروح الابواب مسكره بوجهه .....ااصعب شعور لما يعيش تجربه الموت ويهرب منه لمووووووت من نوع ثاني..حتى فرحتها بامها وصراخها يوم تاكدت انها امها وضمتها لها وبكاها ع صدرها كل هالافراااااااااح تلاشت الحين ...هي بنظرهم..عاهره وماتسوى شي بنظرهم بنت مضيعه شرفها ...
مافيه شي بيطلعها من كل هالمصايب اللي قاعده تعيشها الا المستشفى .....!
كانت تتمنى تغمض وتفتح وتلاقي نفسها بالمستشفى...تتخيل الدكتوره تبتسم وتقول لامها
غلط في التحاليل تتخيل انو تسمع هالكلام.......تتخيل وتتخيل...لكــــــــن ياترى تخيلاتها صحيحه ياترى فعلا نوره ماغلطت..ياترى الجنين اللي يصرخ برحمها هذا شي كذب...؟؟وغلط بالتحاليل والا نوره موعارفه كيف حملت والا كل اللي تسوي هو مجرد تمثيليه صغيره ....!
كل هالاشياء بنعرفها من الدكتور اللي راح تشوف نوره........!
بالفصل الســـــــــادس

الـــــــــــــفصــــــــــل السادس

ركبت السياره واطرافها متجمده تسال نفسها ياترى الجو برد والا انا اللي متجمده من لبرررد..!
جالسه جنب امها والصمت هو لغتهم ...احساس نوره يشابه احساس اللي بتختبر اختبار مااستعدت له
رعب وخوووووووف تحس الاختنااق اللي جاثم عليها مو قادره تتنفس منه..!
اما منيره فاحساسها غير عن نوره...همها تعرف اهي حامل او لا...!معقوله
نوره تغلط..!معقوله ترتكب ذنب ..مستحيل مستحيل ..لو غلطت مع مين وكيف وشلوووون...!!كان همها تعرف هي حامل او لا هي بنت او لاء!!

مرت ربع سااعه حبست انفاسهم بصمت قااااتل ........قطع هالصمت وقوفهم قدام مستشفى الــ الاهلي..!
منيره:انزلي يانوره ...وانت ياحسان<<<(اسم سائق ام علي) لاتروح ساعه بالكثير ونجي ...!
حسان:اوك مدام..
نزلت نوره وتحس اان الاارض بتوقف تحت رجليها..مو عاارفه وش هالمصير اللي ينتظرها مشت وهي مصوبه عيونها للارض موقادره ترفعهم ..تحس اان كل شخص يطالعها يطالعها بنظره احتقاار ....رغم انها ماتعرفهم ولايعرفونها ورغم انها متغطيه الا ان شعورها انها بعيونهم وحده حقيره...تاافه ....

بعد ربع ساعه.......!
خلصت امها اجراءتها وسحبوا دم منها ...مرت نوره بلحظاااااات رعب لحظات تمنت ان الارض تنشق وتبلعها..!لكن الحين بتدخل ع الدكتوره ..!
جلست جنب امها تنتظر دورها تدخل ع الدكتوره...نوره ترتجف..اول مره تدخل عياده نساء وولاده..!
كل اللي حولها حوامل ومتزوجات ...حست ان وجودها بينهم غلط......!ضمت رجولها وحطت راسها
تحاول تخبي دموع بعيونها ماتبي امها تشوفهم ...نزلت دمعه تبعتها دمعه نوره موقادره تمسك نفسها..والا تقاوم دموعها
ليش اانا بهالمكان سؤال يصرخ بداخلها ليش ......موقادره تجاوب موقاادره ....!
المفروض اجي هالمكان بعد سنوات ااجي اانا وزوجي مو ااجي واامي بتعرف
انا شريفه اولا ..ليش محد رحمني ليش محد راضي يصدقني ليش اانا حالي كذا
نوره موقادره تبكي تسال نفسها ويرجع صدى الاسئله يتردد ليش وليش

الممرضه:نوره ناصر الــ..
انتبهت نوره ع اسمها خافت ارتعبت..! بدا الخوف يبان بملامحها ...!مسحت دموعها بسرررعه وهي مرعوبه ماتدري وش بيصير جوا..

منيره:يلا يانوره دورك تعاالي ...!
دخلت منيره ودخلت معها نوره اللي تمشي وتحس انها بتموت نبضات قلبها سريعه ..انفاسها سريعه
خاايفه ماتدري وش رااح يصير لها تطالع الدكتوره وكنها اانسانه بتموت وهذي بتقتلها......!
سكرت منيره الباب ماتبي ااحد يسمع وش يكون ووش راح يصير........!

الدكتوره:اهلن يانوره شخبارك انتي متزوجه
نوره:..............
منيره:لا يادكتوره مو متزوجه...!
الدكتوره:اجل ليش سويتي تحاليل دم.هو للمتزوجات فقط..!
منيره:اسمعي يادكتوره بكون معااك صريحه ع الاخر..
الدكتوره وهي متفاجاه:شفيه..؟؟؟
منيره:بنتي مومتزوجه بس سبق وطاحت وسوت تحليل وقالوا حامل اتمنى يكون تحاليلهم غلط ..لانها بنت..!
الدكتوره وهي تطالع بنوره بنظرات حاده:لايكون بنتك غلطت وو؟؟؟
منيره:بنتي انا مربيتها ع يدي وواثقه منها لكن ابي اتاكد..!
نوره تطالع بالارض وهي تبكي مومتحمله حتى الدكتوره تطالعها كذا صرخاااات دااخلها تخنقها تقتلها...اه مربيتها ع يدك وينك يايمه عني وين...نوره تبكي موقادره تتحمل هالمشااعر اللي تخنقهاا موقادره تتحمل شعور الاحتقار لها ..

نوره رفعت راسها:والله العظيم ماسويت شي ولاغلطت وقسم باللي خلقني اانتم شفيكم شفيكم شفيكم ليش محد مصدقني ليششش ..ليش ؟؟؟
الدكتوره رحمت نوره:طيب لاتبكين حبيبتي يلا قومي ع السرير

بسوي لك سونار<<<اشعه ع الرحم ..!
قاامت نوره وهي ترتجف من الخوووف والدموع بعيونها تتمنى تنام ع السرير ومااتقوم بعدها..!

بعـــــــــــــد ربع ســـــــــاعه
دخلت الممرضه وبيدها التحاليل ..جلست لدكتوره ع المكتب والصمت يلفها موقادره تتكلم .قامت نوره وعيونها ع الدكتوره موقاادره تتحمل تبي اجااااابه قامت وجلست ع الكرسي المقابل لامها ...!
منيره متوتره:هااه يادكتوره ليش سااكته وانتي تسوين السونار ..سالتك وقلتي بننتظر التحاليل هذي التحاليل جت..
الدكتوره موعاارفه وش تقول اساسا السونار مبين كل شي والتحاليل لو جت ماراح تنفي شي ....!
طالعت بالتحاليل شوي ثم طالعت منيره
الدكتوره وهي متوتره:اسمعوني بهدوء وقبل كل شي اذكروالله..!
منيره:لااله الا لله وش صاير تكلمي
الدكتوره:بنتك يامنيره عذارء وبنت ماغلطت لكـــــــن؟؟؟؟؟؟
منيره بخوف:لكن ششششششششنو ....!
نوره ضمت رجولها وحطت راسها ماتبي تسمع شي ماتبي تبي الكون كله يسكت باللحظه ذي...نفسها تموت تدفن ماتبي تسمع شي ..!


الدكتوره:لكنها حامل؟؟؟؟؟؟؟؟
منيره:شششششششلووووون بنت وحااااااامل شششلون.........!
نوره صررررررررخت:لالالالالالالالالالالالالالا مستحيل ااكون حااااامل تكفين قولي ااني موحااامل
تكفين يادكتوره الله يخليك قوووووووولي غير كذا
نوره صارت تبكي ومنهااره وتترجاء الدكتوره

الدكتوره:نوره السونار والتحاليل اثبت هالشيء بس قولي لي مين اللي اعتداء عليك
منيره تصرخ ع الدكتوره :كيف حامل وهي بنت..!
الدكتوره:ياام نوره استهدي بالله
التفت الدكتوره ع نوره اللي تبكي ومنهااره وهي موقادره تتسوعب الصدمه
الدكتوره:نوره جاوبيني وش اللي صار لك قبل 3شهور
منيره تطالع بنوره بعصصصصبيه:اتكلمي قولي شلون جبتي المصيبه وفضحتينا الله يفضحك..
نوره:عسى ربي ياخذني اني ماغلطت مااحد ....لكن هو هو الله ينتقم لي منه
منيره:مييييييييييييييين اعترفي ميييييييين؟؟؟؟؟
نوره وهي تبكي ومنهاره:ابووووووووي اابوي كذا مره يتحرش فيني لاصار محشش والا سكران قبل 3شهور
ومره مافيه احد بالبيت غيري اانا.. زوجته وعياله عند خوالهم دخل علي باليل تحرش فيني حااول يغتصبني
صارخت صاارخت مااحد حووولي ........كان خلالالاص بيغتصبني كنت موقادره ادافع عن نفسي ..موقادره اسوي شي كنت ضعيفه ضعيفه بين وحش بينهشني بكيت
صارخت قلت له يبه انا بنتك بنتك يبه ااصحى كان وحش وحش ماارحم ضعفي