24-05-2011, 11:01 PM
|
#1
|
تاريخ التسجيل: Oct 2007
الدولة: الشرقيه
المشاركات: 44,381
معدل تقييم المستوى: 100
|
سالفة معشي الذيب
مدخل
ياذيب جر العوى وأزعجه وين .. وين العوى ياذيب صوتك عشقناه
جره وانا بهديك من القلب بيتين .. نذكربها ياذيب قاف(ن) بديناه
الذيب لو يشكي شكا هم ثنتين .. أما بلاه الجوع أو قارصً جاه
لا وهنيه يوم يرقا الجبل لين .. ياصل طويل ويزعج الصوت بعواه
مير البلا منهو همومه ملايين .. لو تنجلي مليون ملايين تتلاه
هذي قصة مشهورة
لشخص اسمة مكازي بن سعيد من شمر
كان بليلة من اليالي
جالس هو وشلتة يتقهون على ضو النار وفجأة لمح من بعيد زول ذيب استغرب بن سعيد وجود الذيب
الذياب بعادة مايقترب من البيوت
فزو اخوياة الي اخذ سكين والي اخذ بندقة
قالهم... لحظة.... لحظة... (ستوب ياشباب )
قالو قرب ..؟!!
قالهم.. عندي وانا ابوهندي...!!!!
اخذ سلاحة وراح هو بنفسة وقرب من الذيب
(مطنوخ الرجال يضحي بعمرة ولايضحي بخوياة )
المهم....قرب من الذيب وبن سعيد يعرف اطباع الذيابة انها ماتقرب الا وفيها شي
قرب .....وقرب ......وقرب ..
ولقى المفأجاة
الذيب هذا مافية سنون (كبير في السن )
عرف انة مستحيل يقدر يأكل اويقطع اللحم
الغنم قدامة بس مايقدر يسوي فيها شي
لاسنون ولا انياب..!!
قرب بن سعيد وقطع قلبة ها الذيب حن علية
الذيب انتهى خطرة على الناس والغنم
مابقى الا انة يرحمة
والرجال ماكان يبي شهرة و يشخص قدام اخوياة
ما كان يبيها الامن رب العباد
لما شافة الذيب ربض محلة
صاح بن سعيد على واحد من الربع وجابوا لة طلي اذبحة ورماة عند خشم الذيب
حاول الذيب يفرس اللحم ويعضعض بس ماقدر ياكل
لا انياب ولاسنون بالله وشلون بيأكل
وقام ابن سعيد وخذ السكين وقعد يقطع من اللحم قطع صغار ويرمي لة
والذيب يبلع من اللحم لين شبع وعبى كريشتة
ديور الذيب ودق سلف
وبعد اربع ليلي
رجع الذيب لنفس محلة في رجى ان خوية بن سعيد يحن علية..
مالة بعد الله الاهو
وكانت الطامة
حن علية بن سعيد. .... وقام يقطع لة بعد من اللحم ويعشية
وصار على ذا الحال كل مرة يجي بعد اربع أو ثلاث ليال
ويلقى معزبة ابن سعيد يحترية بذبيحة وبعد فترة انقطع الذيب انشغل بن سعيد وارسل ناس يدورونة
وللأسف لقوة ميت...
فأنشد بن سعيد هذي القصيدة
الذيب يوم انه عوى يبي الاغنام
قلط خروفه له طري اللحومي
جر الخروف وبشر الذيب ضرغام
يقول ضيفة من عنانا لزومي
انتشرت قصتة بين ربعة و تداولوها الناس
يستأهل يمأل الجنة
|
|
|