ياشينها لا صرت معجـب و خجـلان

[fot1]ياشينها لا صرت معجـب و خجـلان
خــوف المصارح لا يجيب المطمــّـه

أخاف أصـارح بالغلا ذاك الإنسـان
و ينقلــب (جو المصارح مـذمــّــه)

ويا شينها لا صرت مغرم و زعـلان
محد ٍ يراضـي قلبك ومـحـدن بيمـــّــه

وإن رحت محد ٍ قال لك وين يافلان)؟
روحتـك مع جيــّـتـك ماهي مهمـــّــه

ويا شينها لا صرت عايش بحـرمـان
مثل اليـتيـم اللـي فـقـد شوفـة أمــّـه

ماخوذ حقه وانظلم شـوف الأعيـان
واللي اظـلموه عيال لحمـــه و دمــــّـه

ويا شين صاحب دربك(إن صار ثعبان)
لا هو تركـك ولا نفـــث فيــك سمــّه

كنـا خويـّا وإنتسمـّى بالأخـوان
واليــوم إسـمه بأخـبـث النـاس سمــّـه

مثل الإمـام العالم بفقه الأديـان
يومــه نجــح .والكـل صاروا (آآإمـّـه)

ويا شينها لاصرت تايـه وحيران
(( وسط الطريـق .و باقي ٍ فيـك همـــــّـه ))

ودّك ترووح وآخر الدرب مـا بـان
تــخـاف تـمشي( ثـم تغشــاك غمـــّـه )

ويا شينها لاصرت مبـلـي ومنهان
والعلم كلــّـه .. من اكــاذيـب نــمـّـه

مافيـه ضدّك لا دلايــل وبرهـان.
ودخـّان نـارك مستحيل ٍ تــشــمـّــه

ويا شينها لاصرت من روس الاعيان.
ثم تنقــلب في نـظرة النـاس رمــّــه

ويلااه يـا وقت ٍ نوى لي بعصيـان.
أثـر الـزمـن يا نـاس مافيـه ذمــّــه

ويا شين طرد المقفـْي لوكنت ولهان.
ياخذه شيطــان الغـــرور و يـخـمـّـه

يـظـن إنــّك هايـم ٍ به وشفقـان.
ما يدري إنـّه لو فـطـس مـا تـهــمـّـه

ومااشيـن من معـاشر قليلين الإيـمان.
درب الهدايــة لا أبــد مــاتــتـمـّه

الخلـْـق سجن وصاحبك فيه سجـّـان
والعلم خــال العز..والجـود عــمـّـه

ويا شينها ..أصـلا بقى شي مـاشـان ..؟.
هذي الـلـيـالي طبعهـا مدلـهـمـّـه

ويا زينها لاصرت لاهي و طربـان
وحبل القصـــايد يرتجيـك و تـلـمــّـه

يا ليل دانه .. ليل دانه ..لا لا..دااان
ما فيــه ثوب ٍ يستر أطــراف كمـّــه

يا زينها لاصرت معجب و خرمـان
تـنـثـر علومك لو تجيب المـطــمــّــه [/fot1]


منقول


آمل اتنال اعجابكم اخواني

وتقبلوا تحياتي......

جميلة جدا جدا حقيقة
ما فيك حيلة
بس نقصها تقول أسم الشاعر

يا اخ علي تذوق ادبي رائع

صح لسانك

وما فيك حيله
وتستاهل المليون

بارك الله فيك يا بو نواف
ولك منى كل التقدير والاحترام
وياليت يكون ذكر اسم الشاعر كما اتفقنا حتى نحفظ حقوق الشاعر وحقوق المنتدي .
وكما هناك اشخاص يعجب بالقصائد ويحب البحث عنها باسم الشاعر .
ولك الشكر
وتقبل مروري

اشكركم جميعا على المرور والتعليق [blink]وفالكم طيب[/blink]