ان كنت باقي حي

رحت اتمشّى في فجوج الغلا شوي *
* وسئل شجرها ليش يبست غصونه
جلست به حتى علي اغرب الضي *
* وطفى صخب روحي بصامت سكونه
مدري فقدله مي والّا فقد في *
* والّا فقد حنان من يحضنونه
ان كنت باقي حي ماشفت لي حي *
* مبطي يناديني وانا اطيح دونه
العام حسيت أن في خاطره شي *
* الصوت والي درهمن من عيونه
طوت مقادير الزمن وصلنا طي *
* ارسل مراسيلي والا يوصلونه
راع الهوا لو الغلا كاويه كي *
* الّا تحدّه عن منامه شجونه
ماكنّه الا ضاميٍ فاقدٍ مي *
* في صحصحٍ زامي سرابه يخونه

‘‘
يسلمو كل شي ماشي
يعافيك ربي

‘‘

قافية يابعد حيّ تعطي للشعر نكهه

لاكلل ولا ملل مع قراءة مثل هالنصوص


رحت اتمشّى في فجوج الغلا شوي
أسئل شجرها ليش يبست غصونه

جلست به حتى علي اغرب الضي
وأطفى صخب روحي بصامت سكونه

مدري فقد له مي ؟ والّا فقد في ؟؟
والّا فقد حنان من يحضنونه

ان كنت باقي حي ماشفت لي حي
مبطي يناديني وانا اطيح دونه

العام حسيت أن في خاطره شي
الصوت والي درهمن من عيونه



وهنا وصل الشعر ذروته !!

طوت مقادير الزمن وصلنا طي
ارسل مراسيلي ولا يوصلونه

راع الهوا لو الغلا كاويه كي
الّا تحدّه عن منامه شجونه

ماكنّه الا ضاميٍ فاقدٍ مي
في صحصحٍ زامي سرابه يخونه



دون مجامله هكذا يكون الشعر والا فلا

دمت للشعر ياشعر

احترامي وعظيم تقديري

ابونادر