مركب غرامي للشاعر عبدالله بن سعد الحضبي السبيعي
مركب غرامي
البارحه من لوعتي وانزعاجي =- ونيت ونة طفل صغير نهاج
ولا سجين ون يوم انفراجي = شاف السعاده عقب ويلات وازعاج
من اول محكوم ماله خراجي = بين اربعة جدران والباب مزلاج
دونه عساكر واقفين ازدواجي = وقضيته ماليتن ابوااااك وادراج
اسباب خل هو غاية مزاجي = اسس بوسط القلب عمران وابراج
من خلقته ماخبر ابه يوم داجي = خذ من جلوس البيت سيره ومنهاج
يسحر بخد وعين واجمل حجاجي =فاز بجمال الكون بالكاس والتاج
مركب غرامي صار تايه ولاجي = لاشك انا الغرقان ماعاد يحتاج
ان ماحصل لي صعب حتى علاجي = وان هو حصل لي ضيقة الصدر تنباج
للشاعر عبدالله بن سعد الحضبي السبيعي الخرمه
__________________
|