البنت اللي ماتعرف تطبخ.. هل تصلح تكون زوجة!!!

البنت اللي ماتعرف تطبخ.. هل تصلح تكون زوجة!!!


السلام عليكم ورحمة الله وبركاته

البنت اللي ماتعرف تطبخ.. هل تصلح تكون زوجة!!!

تعال يا شاب يامقبل على الزواج.. هل راح تقبل شريكة حياتك بهذا الشكل!!!!

تخيل نفسك وانت راجع من الشغل ساعة 2 واكيد تعبان ومرهق.. وفجأة تكتشف انه مافيه غداء..

والسبب أن زوجتك العزيزة الغالية ماتعرف تطبخ!!!

وين المدرسة ومنهج التدبير المنزلي من هذاا!!!

لاتعليق

انا اتسآل وين دور الام في تعليم بناتها الطبخ؟!!

فيه منهن أحسن حالا ويعرفن يسوون البطاطس والبض بأنواعه ( مقلي ، مسلوق ، وعيون ) وأحيانا يسوون شاي ولو انه مرات كثيرة يكون بدون سكر أو عسل كله سكر..

أنا هنا أتكلم عن جزء من البنات ولو انه صار عددهن يزيد

في السنوات الأخيرة.. هناك أسباب لهذي المشكلة وأهما:

1- وجود الخادمة
2- الأنشغال بالدراسة

يمكن يرد علي واحد ويقول الزواج مش طبخ.. حلووو بس هل تقدر تعيش بدون طبخ؟

راح تقولي :

فيه حاجه أسمها مطعم؟ حلو بس هل راح اتعيش طول حياتك كل يوم اذا جعت تروح المطعم .

والصباح تروح المطعم والظهر تروح المطعم والعشاء تروح المطعم.. هل راح تستحمل هذا؟؟؟

في الآخير أتسآل سؤال برىء.. اذا هذي البنت ماعرفت تطبخ فكيف راح تربي عيالك!!!!!

ويش رايكم في هالكلام !!!!!!!!!

انا بصراحه عجبني الموضوع

وحبيت اشوف ردوود افعالكم تجاه الموقف

الحاجه أم الأختراع مصيرها تتعلم وتطبخ بس طول بالك شوي

البنت اللي ماتعرف تطبخ.. هل تصلح تكون زوجة!!!


اييييييييه ياكثر الكلام هالاموضوع
من وين ايدي ؟؟
امي كانت دايم اذا قالت لنا سوو كذا وقلنا مانعرف تقول كلمه ماعرف راحه
وهي صادقه كلمه مااعرف راحه للي مايبي يتعلم
لكن اشهد بالله انها اعرفت كيف تعلمنا ربي يطول بعمرها
ودي اختصر لكن الموضوع يجبرني على الاطاله عجبني واسمح لي اطلع اللي بخاطري
مثل ماقلت فيه من يقول الزواج مو طبخ لكن انا اقول الزواج مجموعة مسؤليات تتمثل بالعطاء النابع من نفس طيبه مو مجبره
ااكد لك انه كل بنت ماتعرف او عاشت عيشة دلع ورفاهيه عند اهلها وتزوجت اذا حبت الرجال وبيتها وارتاحت
انها بتسوي المستحيل للتعلم وتبدع بعد مو بالطبخ بس بتربيه ابنائها وجميع سبل اسعاد زوجها
عندي مثال من المجتمع اللي اعيش فيه عندنا بنيه ماتحب السمك ولا عمرها امسكته بيدها بعد زواجها ومن حبها لزوجها
حاولت تسوي اي شي يرضيه صارت تطبخه وتتفنن فيه ويعزمون عليه من روعة طبخها وببيت اهلها ماتعرف وماتبي ومدري ايش
لكن عمر الطبخ ماكان اساس سعاده زوجيه او زواج ناجح
وزمان النت مافيه احد مايعرف ممكن يكون الامهات شايلين المسؤليه عن البنات لاسباب الدراسه
ولكن مجرد مانحمل البنت المسؤوليه تلقاها تتعلم
ادري نفخت راسك بفلسفتي لكن احب مواضيع النقاش الواقعيه
يعطيك العافية هالموضوع

يعطيك العافيه على طرح موضوعك الأكثر من رائع
فعلا الأن الجيل هذا الأكثر معانها مع الطبخ وليس بالكل البعض من البنات عمرها كله بس تلفزيون ونت ومجلاات وأكل وشرب يعني لو ماتكلمت الآم يابنت قومي أعملي كذا وسوي كذا ماقامت أبد البعض من البنات معتمده على طبخ أمها أو شغاله لو كان عندهم وتتزوج وهي في أصعب حال لاتعرف تطبخ ولا تعمل مثلا أقرب شي براد الشاي ماتعرف تصلحه . وهذه مشكله فالبنت اللي على قولهم يحرقها الكلام وتحس فيه تقوم بكل الأعمال بدون أحد يوجها أو يقولها
فأتمنا لجميع الأخوات من البنات الحرص على تعلم الطبخ مافيه مشكله لو فشلت المره الأولى المره الثانيه بتنجح ان شاء الله

لآن الزوج أو العريس يبي البنت اللي متعلمه في كل المجالات والله أعرف كثير من الشباب وأقرب شي قبل فتره شاب متزوج ومر على زواجه 22 يوما فقط وأنفصلوا وسبب الأنفصال عدم معرفت الطبخ يقول والله ماقدرت اتحمل كل شي من المطاعم وهذا من سبب الفشل . الله المستعان