بسم الله الرحمن الرحيم
حياكم على عشانا من يومين سوبر خطير
اول شي بحضر العجين لانها بتاخذ وقت ورح نمشي في الخطوات مثل ماسويتها
مقادير العجينة...4كوب طحين..م ك خميرة مذوبة في ربع كوب ماء مع ملعقة سكر
م ص بكنج بودر...2 م ك حليب بودر...ربع كوب زيت...ملح..3\4 كوب ماء دافي
عجني المكونات مع بعض مدة عشر دقايق باليد
وهني مراحل العجينة بالصور
السكر والخميرة والماء
كوريها وخليها وعاء مدهون تخمر ساعة
هني عقب مرور ساعة
شكلي العجين للبرجر اول شي افردي الكورة وردي لميها على شكل دائرة
والصمون افردية ولفيها
مسحي السطح بحليب وحطي سمسم او اوريجانو او حبة سودا اللي تحبين
انا حطيت اوريجانو
وخليها بعد ساعه تخمر
غطيها بسولفان وخليها
في خلال الساعه رح اجهز التشيكن برجر
اول شي افرمي في الخلاط 4 شرايح سلايس منزوعه الاطراف
تعادل تقريبا كوب
وخليه ع جنب
مرة ثانية في الخلاط
3صدور دجاج او اقل حسب الافراد..بصلة..4فصوص ثوم..بقدونس...كزبرة..قبضة يد تقريبا
وفتات الخبز...ملعقة كبيرة نشا...بهارات وعبارة عن ملح..كاري..فلفل اسود...بهارات دجاج...
كزبرة..كمون...مسالا بودر..بابريكا
خلطي المكونات
تشيكن برجر منزلي....راااائع..مع خبز البرجر المنزلي الارووع
العرض العادي
