التمر مسامير الركب (^_^)

02-12-2011, 10:52 AM

بما ان الشتاء حل علينا والبرد يسقط في العظم

معاد تنفع بهالاجواء الا الاكلات المفيده .. اكلات الاوليين

كلنا نعرف اهميه التمر بالرغم ان كثير من البنات مايحبون ياكلونه ويفضلون الشوكلاتات والحلا

عليه .. بالرغم ن الفايده كلها بالتمر وكان من غذاءالرسول صلى الله عليه وسلم ووصانا بتناوله

في قوله عليه الصلاة والسلام" الكمأة من المن وماؤها شفاء للعين والعجوة من الجنة وهي شفاء من السم" مسند أحمد

وقد أخبر صلى الله عليه وسلم "بيت لا تمر فيه جياع أهله" سنن الترمذي ..

__________________________________________________ __________

المحـــــــــــــــلا

مقاديره : تمر منزوع النوى .. وهذا المتعب فيه + دقيق بر + ماء+ زبده + وممكن سكر بس موبالضروره

اول شي نحط التمر بالقدر مع مويه وعلى النار لمده ربع ساعه هيك شي مجرد يذوب التمر

بعد هيك نشيله من النار ونبتدي نحطه بالخلاط شوي شوي

ونخلطه لحد مايصير بهالشكل المغري وكانه شوكلاته

ونرجع نحطه بالقدر على النار >>>> ياليل مااطولك (^_^)

على فكره نحط شوي زيت بقاع القدر ونخليه يغلي شوويات وبعدين نبتدي نحط دقيق البر شوي شوي ونحركه عشان مايتكتل

ونخليه على نار هاديه وكل شوي نطل عليه ونحركه

وهذا شكله النهائي ونحط عليه زبده وممكن فلفل اسود مطحون ..

__________________________________________________ ____________

المفروك او البعض يسميه الحنيني

هالمفروك تقليد مهوب اصلي يعني بالخبز البر لان البعض يعجن عجينه وبعدين يفركها

بس هذا مفروك العجازين (^_^)

مقاديره ::

تمر منزوع النوى + خبز بر + زبده

الطريقـــــــه:

نحط الخبز والتمر بالخلاط لحد مايمتزجون ببعض وبعد هيك نحطهم بالقدر عالنار مع شوي زبده

شويات بس و خلاص صار جاهز

المراصيــــــــــــع

المقادير ::

كاس دقيق ابيض + كاس دقيق اسمر

بيضه

ملعقتين حليب بودره

ملعقه خميره

فنجال سكر

فنجال زيت

ماء حسب الاحتياج

الطريقه

--

اول شي نحط المقادير الجافه مع بعض

بعد هيك نضيف البيضه والزيت والماء ونحركهم لحد مايمتزج الخليط

ونتركها تختمر لمده نص ساعه هيك شي في مكان دافي ..

ويكون قوامها لا خفيف ولا ثقيل يعني وسط ..

ونبتدي نقرصها على حديده المراصيع او تيفال عادي

ونكون مجهزين حافظه عشان نحفظها فيها وماتبرد وبعد مانخلص نحط عليها زبده

وعسل

هنا مع كاس حليب

وبكذا خلصنااا .. بالعافيه عليكم