كبسه المطابخ الشعبيه بطريقه سهله ولذيذه
كبسه لذيذه
جربوها وبتدعولي
اسلقي لحم غنم وبعد ما تشيلي الريم ضيفي حبه بصل صحيحه + حبه طماطم صحيحه + حبه فلفل حلو + 2 عود قرفه + هيل + 4 حبات فلفل اسود + حبه ليمون اسود + بهارات الكبسه + 4 حبات قرنفل لو لا تحطي كركم نبي العيش ابيض وبعد ما اللحم يستوى حطي ملح وفلفل اسود
اغسلي كوب حمص مجروش وانقعي في ماء لمده ساعه وبعدين اسلقي في ماء وملح لين يطرى ويستوى
في قدر احمسي بصل مفروم لين يذبل وضيفي فوقه الحمص وحطي ملعقه صغيره من كل من :
بهار الكبسه - ملح - فلفل - ليمون مطحون - كركم - كزبره جافه مطحونه + قرفه مطحونه + زبيب
قلبي المكونات وضيفي ملقعه شوربه اللحم كبيره وربع كوب ماء ورد منقوع فيه زعفران وخلي على النار لمده 5 دقائق لين يطرى الحمص والبصل
في قدر الرز
قلبي الرز في 2 ملعقه زيت كبيره وضيفي الشوربهيعني المرق وخلي على نار هادئه لين يستوى
خذي نصف مقدار الارز المستوى واخلطي معاه ملون طعام اصفر او كركم واخلطي الارز الاصفر والابيض
اللحم حطي في صينيه وحطي عليه شويه زبد وخلي في الفرن ياخذ اللون الاحمر
حطي الارز
وفوقه اللحم وزيني بالخلطه
والف صحه وهناء
__________________
اللهم انصر اخواني في سوريا الحبيبه وثبت أقدامهم وسدد رميهم اللهم وفقني لما تحب وترضى [gdwl]اللهم أرحم عمي وأغفر له وجميع أموات المسلمين[/gdwl]
|