الصـدر ضاق وغيّر العدل بالميل =
عــــزّ الله انّـــه دوب زاد اشتياقه=
وأصبح لصلفات الروابـع مداهيل =
معها على غوص الخوافي بطاقه=
ولا ينفقد غــير الرجال الحلاحيل =
وألا الردي عــيدٍ يقـــــرّب فراقه=
ولولا التجـارب ما طلعنا رياجيل =
ولولا الشــــــدايد ماجتمعنا رفاقه=
يابوفهد كم لي عن الجدي وسهيل =
بانت حقـــايق مدّعــــين الصداقه=
اللي لحاجتــهم نجيـــــــهم مقابيل =
ولحاجــتي كــــلٍّ عمــــد للدراقه=
تكاثـــروا فيــنا أصدقانا المراسيل =
ومــن غـاب عنّاله من الورد باقه=
وشكــراً مابي فيــها مقابل وتبديل =
يكفي ان لهافي مغلق الصدر فاقه=
وعفـواً إذا فيها من العكس تحليل =
حروفــها جـــــلاله ما فيـها دقاقه=
واقبل تحياتي عـــــدد سايل السيل =
من هاجساهيضه من الشوق ساقه=
ولولا التجـارب ما طلعنا رياجيل .. ولولا الشــــــدايد ماجتمعنا رفاقه
العرض العادي
