ياعل .. الايام تعطيني .. سبب مقنع
............. ومع خالص الشكر لو تقدر وتقنعني !
خذيت .. من مرّها / مايجرح .. ويوجع
............. اللي جعلني .. هنا ! والناس تسمعني !
الحر لاعاف ملواحه .. نوى يطلع ..
............. يكفخ بعرض السما ويقول طالعني !!
يجذبني افرد جناحي للسماء واشلع
............. لاصار ما بـ البسيطه ..شي يآسعني
آحيان عوج السوالف تجرح المسمع !
............. لاصار سود الوجيه .. تقول ماتعني !
قادر على الذم .. بس الذم .. ماينفع
............. اخلاقي .. وعزتي / ترفض وتمنعني
اصنع شعوري بفكري وابتكر وابدع
............. لو بعض الاوقات تلقى الجرح يصنعني !
شرهاتي البيض .. ناتج طيبة المنبع
............. وكثر المواقف .. تبيّن لي وتنفعني !
لاضاق لي خاطر ولابان لي مدمع
............. كسرت خشم المواقف .. قبل تلفعني
اطرقت راسي طناخه / مارضيت ادنع !
............. من غير اسمي الى من طحت يرفعني !
ورثت سمعة .. ابوي وهيبة المرجع
............. اللي على ارض الوفاء والطيب تدفعني
هي راس مالي ولا لي غيرها مطمع ..
............. لاشان وجه الزمن ثم قام يصفعني !
ياليت الايام / تعطيني سبب مقنع !
................... مع خالص الشكر .. لوتقدر وتقنعني
ياعل .. الايام تعطيني .. سبب مقنع
العرض العادي
