ايه افتخر بحبها بنت الاحرار

الله خلق والله فرق والله اختار
والله رسم صورة وليفي اعجوبه

سبحانه ابدعها ولامثلها صار
واصبح ملاك وفيه دلاله اعذوبه

فيها الجمال اللي به الناس تحتار
وفيها العفاف وكل زين اذكروا به

ماسجلت في صفحة الحب تذكار
ولاسامرت ليلٍ تجاهل اعيوبه

ولاعانقت اهل الردى جنس الاشرار
ولاهي من اللي بالكلام العبوبه

ولاحطت اللثمه ولادقت الطار
ولادوجت بالسوق ولاعذربوبه

ولاشالت الهاتف ولاباحت اسرار
ولاتنقل الفايد ولو هم حكوا به

وكلٍ سألني عنها صغار وكبار
من هي تكون ومن هم اللي ربوبه

قلت إبدويه لعنبو طافي النار
بنت الرجال اللي غمضهم شبوا به

واللي انتخت صكوا ميامين ويسار
راعي الردي مسكين جوه ولاغدوا به

ايه افتخر بحبها بنت الاحرار
بنت ملكت في وصفها كل رعبوبه

تستاهل التقدير من كل الاعمار
من جيلها واللي قبل وسمعوا به

وقلبي لها مركب وهي فوق بحار
وامواجها دمي وصدري رصوا به

وابديت انا حبي لها حبي سر وإجهار
واخذت انا عهدي وعهدها رضوا به


مما راق لي
محبكم
صاحب السمو

وقلبي لها مركب وهي فوق بحار
وامواجها دمي وصدري رصوا به
....................
الله يعينك
اختيار موفق في وصف الغالية
تستاهل كل الاوصاف .
رائع ما راق لك ..

ايه افتخر بحبها بنت الاحرار
بنت ملكت في وصفها كل رعبوبه

سلمت يداك ياصـــ السمو ــــــــاحب على هذا الابداع الرائع

العتصم بالله
مغرور بي معذور
الله لا يحرمني من تواجدكم الدائم
نورتو متصفحي والقسم بأكمله
لا عدمناكم يالغالين

يعطيك الف عافية
صاحب السمو
اختيار موفق
يسلموووو