محاوره بين الشاعر ضيف الله والشاعر ابراهيم الشيخي
هذه المحاوره جرت بين الشاعر ضيف الله العامري و الشاعر ابراهيم الشيخي
ضيف الله العامري
سلام يانجمٍ بداء قبل الاشراق.
نجمٍ غريب وعنـه لاتنشدونـي
اقولها ماني بكاذب وبـوا ق .
ون خاب ضني مطلبي سامحون
ابـراهــيــم الـشـيـخــي
والله واللي شيد السبـع الاطبـاق
وارسى دعامات ارضنا والبطوني
اني معا نقالـة النعـش منسـاق
اما قلو مرحـوم والا اتركونـي
ضــيــف الله الـعـامــري
لليـل قمـراء يـوم لنـو بـراق
ولشمس ضلآ يحجب الشمس دوني
لاسار خلي من عناء القيد ماطاق
اما ارحمـه ولا معـاه اشبكونـي
الـــشـــيــــخــــي
فراق بعض الناس يقبل وينطاق
قد عست من دونه وعايش بدوني
مالي بهم عهد ولاخـت ميثـاق
لاشكلهم شكلي ولا اللون لونـي
ضــيــف الله الـعـامــري
ماني على باب الحساسيد طقاق
ولاقلت ياهل المعرفه علمونـي
والجيد اجيله ولو تكسر الساق
سقت البشاير للـذي بشرونـي
ابـراهــيــم الـشـيـخــي
خيل مدرب غيـر ماهوبسبـاق
.وبرق يلوح ولا يجيب المزوني
دنيا عجيبه كلها طـاق طربـاق
خلتني اصبح شايب اعكز بشوني
ضــيــف الله الـعـامــري
سببتلي ياصاحبي هـم ورهـاق
ومن حبكم قد زاد جرحي وكوني
صرنا بوقتٍ تختلف فيه الاذواق
وان قلت رايآ كلهـم خالفونـي
ابـراهــيــم الـشـيـخــي
دون الكلام العذب بـاب بمغـلاق
ودون المقاصد شامخات الحصوني
الحل الامثل اطرق ابواب الافـاق
عسانـي القـى عالـم يقبلونـي
ضــيــف الله الـعـامــري
بعض المناصب صار كرسي حلاق
ايـام وليالـي وقـال افصلـونـي
وهل الحسد توقف على باب الارزاق
حتى في اقرب ناس لـي كرهونـي
ابـراهــيــم الـشـيـخــي
نور الحقايق للعرب تشعق اشعاق
بالرغم من هذا بـدوا يظلمونـي
وانا شبيه البحر هايـج ودفـاق
حتى البواخر تحتملهـا متونـي
ضــيــف الله الـعـامــري
ياليتني عند اريش العين سواق
ولابخدمة صاحبـي شرفونـي
عز الله ان قلبي على شوفته تاق
هذا الحقيقه والبشـر خالفونـي
ابـراهــيــم الـشـيـخــي
جمل بياض عيونها سود الاحداق
راسم لها صوره بكني وكونـي
مميزه رغم اختلافـات الاذواق
ومن الهجر قلبي عليها محزوني
ضــيــف الله الـعـامــري
احلى ليالي العمر في لحظة أعناق
لحظه بهاصدقي وزايـد شجونـي
اسلوبه اللي من حلى عذب الارياق
حرفـه وقافـه يامـلأ عذبونـي
|