يالله طلبتـك عافنـا واعـف عـنـا
يـا خالقـي يـا رازقـي يازبـنـا
يـا رب عبـد لـه قليـب معـنـى
دايم بـوادي التيـه روحـه معنـاه
قـال المغنـي بالتماثـيـل غـنـى
سواة ذوب النحـل مـن كـل فنـا
والا كما الصفـري ليـا مـا اقبلنـا
في وقت مصيافه وفي وقت مجنـاه
يابو خيال مثـل مركـوز الارمـاح
وليا اكتسى كمه كمـا الظبـي نفـاح
يفيح من جسمـه كمـا ريـح تفـاح
ذراع شارع طـول عنقـه وعلبـاه
راعي جعود فـوق متنـه مراديـف
وليا نشرهـا كنهـا داجـي الخيـف
فيها من المعنى ونقع الزهـر كيـف
كيف لروحه بعد مـا ربـه اعطـاه
ولـه جبيـن مثـل مبـدا الـهـلال
والا كما برق الحيـا اللـي يلالـي
تقـداه هبـان الصيـاد والعـوالـي
وان راح برقه رويت الارض من ماه
راعـي حجاجيـن سـواة البواكيـر
مقرونـة خلقـه مـن الله تفكـيـر
واهـداب عينـه أسهـم للمغـاويـر
مكحولـة بالـدال والـلام عيـنـاه
هذي وصايف زيـد زيـن المعانـي
واللي خلق يااهل العقـول الـرزان
لو دورو في الناس قاصـي ودانـي
ما ينلقى في الناس وصفـه وحليـاه
يالله تجمعنـا علـى حـال مستـور
من عتمة المغرب ليا طلعـة النـور
والدان والا مترفـات مـن الحـور
والكـل منـا يبلـغ الشـف ومنـاه
لي صاحب عندي كمـا نـن عينـي
يـارب لا فرقـت بيـنـه وبيـنـي
يامن خلق طـه وحسـن والحسينـي
واللي لهـم يـارب عنـدك توجـاه