قصيده محزنه لشاب مريض بمرض السرطان

هذا قصيده لشااب مريض بالسرطان سلاااااام عليـكم ورحمة الله وبركاته .. هذا قصيده لشااب مريض بالسرطان .. الله يكفينا الـشر .. وقال القصيده .. يكلم آبوه فيها محزنه جدااا .. اتمنى تقرؤوها .. يابوي ليه تــبكي كل ما شـفتك وعينك لي * * * اخاف اموت يابوي وقبل الموت تبكيني كفا يابوي لاتبكي وانا موجود معك وحي * * * اجل بعد الرحيل وشلون في قبري توطيني يابوي لو تموت الناس ماتسوى دموعك ذي * * * وانا يابوي ميت قبل لأموت وانت محييني قســـم بالله يابــوي لاجل عينك سلمت الغي * * * زرعت الهم والحرمان وبحر الويل يسقيني تحملت السنين اللي طوتني في عذابي طي * * * وصار الجمر في كفوفي وتحت أقدام رجلي يابوي ماعلى عمري حسافه ولا بقى فيني شي * * * ولكن بأطلبك يابوي تكفى لاتخليني يابـــوي مــابي غيرك يغســل جثتي بالـمي * * * وتكفى قبل لااتكفن يابوي فك لي عيني يمكــن المــحك وارحــل في عــينـي ضـــي * * * وا اودع وجهك الطاهر مع دنياي وسنيني وخل الناس تحملني وترفع راسي ورجلي * * * وتاخذني على قبري وتكسب اجرها فيني واذا جيت القبر يابوي نزلني شوي شوي * * * ووجهني لبيت الله وقبلة المصلين وحط الطين وادفني وعز اللي يعزي فيني * * * ثلاث ايام يابوي يجونك المعزيني ورابع يوم يابوي تذكــــر ضحكتي وعني * * * تذكر ويش كنت أقول يوم انك تناديني تذكر يوم كنت انـــام في ضل النخل والفي * * * تجي يمي تصب الماء على وجهي تصحيني تذكر جرة المـــوال وصوتن في حبـاله تي * * * تذكر يوم اغني لك قصيدي وانت توحيني تذكر اضحكــتك لاقلت يابـــوي عشــقك لي * * * تذكر كم قصيده خافيه ما بينك وبيني تذكر كل شـــي كان واذكــر يوم اجابر حي * * * ولكن اسألك بالله يابوي لاتبكيني اسئل الله ان يشفيه ,, ومرضنا ومرضى المسلمين ويحفظ اعضاء منتدى ال حبه من كل مكروه اخوكم (الناقد)

فعلاً قصيده محزنه جداً
أسأل الله له الشفاء العاجل
ولجميع المسلمين
سلمت يداك الناقد ولا عدمناك
لك اجمل التحايا واعطرها

لاخلا ولاعدم ابو نايف



تقبل احترامي ...وتقديري