كتاب الله

هجرتك وانت لي طوق النجاة وسرّ فرحة بال
هجرتك وانت من عند الكريم الفرد سبحانه

هجرتك وانت مضمونك أخيير من الذهب والمال
الا يا عــزّتي للــي نســــاك وزاد هـــجــرانه

واذا صدر البنادم ضاق وذاق من الحزن زلزال
يضمّك حول قلبة لجل ينسى المُر واحزانه

اشوف القلب صحرا والمطر مع جيّتك همّال
وقلبٍ مادخلتة مات وصار الحزن عنوانه

علاجي واحتياجي معك اذا شفت الحزن ما زال
اقوم اقراك والضيقة تروح ومنك منهانه

ونار الحزن من بردك تموت ولا يضيق الحال
ولا غيرك يبيد الهم ويبعد نــار بركانه

ومنك يزول وسواس الحسود الحاسد المحتال
وفيك علاج من عاشت من الاحزان ضميانه

رُوى من عذبك الصافي مريض ٍ جرح ليلة طال
وقام ولا شكى علّة نسى الأحزان وازمانه

تبي ترتاح ثم يصبح خفوقك للفرح منزال ؟
طلبتك إلزم المصحف وخلّ ابليس واعوانه

تذوق الهمّ لو قلبك نسى مريم نسى الانفال
وتصبح في سجن ضيقة وتبكي خلف بيبانه

مثل ما قال سيّدنا محمد واستمع ما قال
حسب معنى الحديث اللي يجيك اللحين تبيانه

اذا قلبك خلا من ذكر رب البيت يا رجال
غدى مثل الخرابة بيت ما يعجبك مسكانه

كتاب الله نورك واحتزم في سيفة الميّال
ترى الشيطان يرجف لو يناظر حدّ شامانه

ولا تنساة دامنّة نجاة وسر فرحة بال
ودامنّة كلام الفرد رب الخلق سبحانه

للأبداع لغة لا تصاغ سوى بالمعاني الجميلة
ولا يترجمها سوى اروع الحروف
ولا نستطيع بثها سوى بالتميز...!!!
فكم هي جميله كلماتك كلمات عجز قلمي عن وصفها

وماذا يمنع أن تنجو ل في صفحاتك

ونتمتع بما يزرعه قلمك

من فن وإبداع متقن

تقبل مرورى وشكرى