قصيدة ياونّتي ونّة كسير ٍ بعظم الساق ... الغامدي

قصيدة ياونتي

ياونّتي ونّة كسير ٍ بعظم الساق =
قليل ٍ ربوعه وهو على الارض محتالي=
مضى له ثلاث شهور رجله على المعلاق =
يطلب دواه ومالقى طيّب الفالي=
على بو جديل ٍ لا التفت كنّه البرّاق =
كما برق صيف ٍ في السما يشعل اشعالي=
صدوق المخايل لابرق بارقه وانساق=
مزونه من المنشا تحدّربه الجالي=
على صاحب ٍ بيني وبينه عهد ووثاق =
ولاكن جا للعهد ناقض وحلاّلي =
عسى الله يجازي من سعى بيننا بفراق=
وكدّر عليّه خاطر الصاحب الغالي=