اتلفت وانادي لااااااتخليني
من عز نومــــــــي صحيت وشفت في عينــــــــــي
دمع تهادى على جفني وانا غافــــــــــــي
سترت دمعي بكمي قبل يغرينــــــــــــــــــــــــــي
وأخذت هذا الجسد من باقي لحافـــــــــــــي
وسريت تايه ورى خطوات رجلينـــــــــــــــــي
لا الوجه وجهي ولا الأوصاف اوصافــــــــي
امشي واقـــول لطريقي لا تودينــــــــــــــــــي
لعيون ناس تبي تدري عن الخــــــــــــــــــافي
ماودي الناس تدري وش يبكينــــــــــــــــــي
كرامة النفــــس ورث ابوي واسلافــــــــــــــــي
امشي واحس الحناجــر في شرايينـــــــــــي
والبرد يمشي وراي وينهش اطرافــــــــــــــــــــي
الين ماسمعت صوت ينادينــــــــــــــــــي
صوت اعرفه مثل ما اجهل وش اخبـــــــــــــــاري
قمت أتلفت وانااااااااادي لاتخلينـــــــــــي
ماغير صوته هذا صوته الدافــــــــــــــــــــــــــــــي
ولمحت زوله من أقصى الدرب لافيني
مدري وش أقول ؟ لكن : حي هالافــــــــــــــــــــــــي
تعال شف غيبتك كيف أثرت فينـــــي
تعال شفتي وانا اغرق عقب مجدافــــــــــــــــــــــــــي
تعال واقطف بصوتك زهرة سنينـــي
كل المواعيد عقبك شمعها طافــــــــــــــــــــــــــــــــــي
تعال شفيك خايف ؟ انت ناسينـــــي
قطعت صوتي عليك وطال ميقافـــــــــــــــــــــــــــــــي
حتى بديت اشعر ان الحب معميني
وان انت حلم جاء فيني وانا غافـــــــــــــــــــــــــــــــــي
بصدق الحلم واحذر لاتصحيني
في خاطري كلمتين ان قلتها كافـــــــــــــــــــــــــــــــــي
أمانة الله عليك ان غبت عن عيني
لايكون قلبك مثل قلب الزمن جافـــــــــــــــــــــــــــــي
مع كل دمعة تذكر رعشة يديني
ومع كل ضحكه تذكر قلبي الوااااااااافـــــــــــــــــــي ..............