العامري 123 بعد التحية

يقولون في علم الرواة الظن لا يمكن يفيد == اما رواها بالسند والا اتهم من جابها
وقول أنا إن الشرح عقب الشرح يفهمه البليد== حتى ولو كثر مسائلها ووسع بابها

تعمقتم في بحرنا وغرقت تحتاج المديد = والقشه اللي تنتظر في الشاطي انت ادرابها
تواترت كل الطرق في حديثنا علم (ن) اكيد = والمسأله واجب و انته رشيد اعمل بها

أرسم لك الخطة واقول لك حط حيد(ن) جنب حيد== وعرف مداخيل الدير وشعابها وهضابها
كش الملك عاش الملك راحت على الفارس سعيد== الله يجبر في عزانا إن كان ما عزابها

حتى لا ينكسر البيت وقد جرت في الذهن ولم تكتبها الانامل كلمه ترى في البيت الاخير
المساله واجب ترى وانته رشيد اعمل بها

اختم كلامي ياالحبيب واقول اني رجل(ن) رشيد == غير العلوم الطيبه ارجوك لا مالي بها
وارجي من الله جنته واموت من اجله شهيد ==والجار فيها المصطفى والحور ودي الوي بها

ترى الشهادة غالية تبغى لها قلب زهيد == ما هي بورثة جد من جد(ن) لمن وصا بها
لصار ذا مطلبك في الدنيا ترى شوفك بعيد== لكن زيد من الحطب في النار ياشبابها