لاتعتذر ماعاد باقـي لـك اعـذار
انس الغرام وحـب ذيـك الليالـي
وانس المواثيق القديمه والاسـرار
لو كنت ناسيها على كـل حالـي
ويبقى هوانا لـو نسينـاه تذكـار
وينزال ذكره مـع زوال الجبالـي
قبل الفراق ابا اعترف لك بما صار
شيٍ جرى لي منك يوم انت غالي
ياما من اللهفـه تعنّيـت للـدار
دارٍ حظنك وشفـت فيـه الدلالـي
وياما على شانك تعنّيت الاسفـار
وراع المحبه لو تعـب مايبالـي
ماطعت بك هرج البريه والاشوار
وسمعت غيري ما التفتّ لمقالـي
وهجرتني واشعلت في قلبي النـار
ولا دريـت بغيبتـك وش جرالـي
زودٍ على جورك علي الزمن جار
عزّي لعينٍ دمعهـا منـك سالـي
تركتنـي هايـم بدنيـاي محتـار
وعفت الكرى يوم انت داله وسالي
واليوم جيت وجبت يازين الاعـذار
والوقت فات وما لعذرك مجالـي
الوقت فات وما لعذرك مجالي
منتديات ال حبه التقنية
العرض العادي
