لي ليلتين ويوم والجفن سهران
ونجوم بقعى في سمايه تهاوت
حتى المعاني والقوافي ولاوزان
لاقلت زانت صار فيها تفاوت
مغير انا ولليل والذيب سرحان
اليا عوى بين الرواسي تعاوت
لا هب نسناس الهوا بعض الاحيان
جدد جروحن بالحنايا تشاوت
عد الروى مزحوم والقيض حنان
ودلي ورده في بعضها تلاوت
تواردو صدفه قرايب وعدوان
وخليتم بين اللغى والمشاوت
وشتلت حملن مايشيله بليهان
من جوره الثنتين عندي تساوت
الشاعر/مساعد ضعيان البدراني
سلام ياصل حضرة ابن ضعيان
ببيوت شعر مرتبه ما تغاوت
ماكنها الا من هجوس ابن جدلان
الي بيوته كل ابوها نقاوت
لاهان شيخاً للمواقيف لاهان
الي على الطاله يدينه تقاوت
شيخً يقلط بالمجالس وله شان
واليا قلط من كان قبله تزاوت
ان كان ضدك وقت ياطير حوران
غيرك بميسام المواقف تكاوت
وقتاً يصنع من هل المال شيخان
ووقتاً يطلع شيخ زيزومً اوت
فلا يشيل الحمل ياكود سمحان
يهدربها والحشو بعده تداوت
الشاعر/ضيف الله يتيم ا لعامري
رد الشاعر ضيف الله العامري على قصيدة الشاعر مساعد البدراني
العرض الشجري