سرقة المال العام بطريقة مشروعة ونظامية

التعداد وسيلة تنموية لتقديم خدمات لكل الشرائح وترتيب الميزانيات وفق المستويات العمرية والفكرية ورسم البرامج
والخطط المدروسة لسنوات قادمة هدفها المحافظة على تقديم الخدمات وفق النمو السكاني
هذي معلومة وغيبناها وفهمناها000بس اللي ماحنا فاهمينه ليش نكرر الاخطاء ونصرف ملايين الريلات وحلها ميسور وسهل 00وهو كما في بعض الدول الخليجية يدخل برنامج في الحاسوب ومن خلاله كل مقيم ومواطن اجباري يطلع بطاقة اسمها ( بطاقة سكانية ) فيها كل المعلومات وتبقى مع المقيم والمواطن لغاية مايغادر البلد ويوضع لها رسم مثلا عشرة ريالات والله لتدخل اموال اكثر من قسايم المرور 00ونخلص من سرقة الاموال على المكشوف وبطرق نظامية مية على مية
الامر الثاني الذين يدخلون في مزاين التعداد من المعلمين والمعلمات يعني ماهم محتاجين فلوووس
ليش مانشغل الخريجين الجدد ومنها خدموا البلد واكلوا بالملعقة بالحلال00وها سدينا باب العوز بس بطريقة نظامية
اقووول ياناس يعني الفلوس رايحة رايحة وش لزوم التعداد اذا نخطط للقضاء على البطالة هاتها من اول ونعطيهم من
الفلوس اللي نخطط بها لهم ونكون قد اخذنا ها بما يرضي الله

صدقت يا بو نايف سرقة منظمة

جزاك الله كل خير يالغلا

على الطرح الاكثر من رائع

وجعله الله في ميزان حسناتك يارب

وبارك الله فيك وكثر من امثالك

دمت بحفظ الرحمن

ابو نايف خلك بعيد عن التعداد بعدين يزعلون منك

انا الي محيرني وجايب لي عدم النوم من ثلاثين سنه

هو وش فايدة كرت العايله وبطاقة الاحوال للسعوديين ووش فايدة الاقامه للاجانب ووش فايدة حصر المواليد وحصر الوفيات

إذا كانت تتسجل بكمبيوتر

وبمجرد امر يعطي العدد والي منه التعداد

----------------

زي المنتدى الي مسجل فيه اعضاء

هل بيتم تكليف الاعضاء بحصر عدد الاعضاء

ويروحون لقسم الشكاوي ثم قسم العام ثم النقاش ويحصرون عدد الاعضاء والا بمجرد التوجه للعداد وخلصت المشكله

-----------------

هل يعني ان فيه ناس مو مسجلين ببطائق او ساكنين بدون اثباتات او مواليد بدون تطعيم او وفيات يرمون في العراء

---------------

اشوف ان الحل ياخذون كمبيوتر من حراج بن قاسم من الرخيص ويحطون فيه سيدي بالمعلومات المسجله فيه وهو بوفر عليهم المشوره والطقطقه على البيبان وتكاليف ثم صبها وردها

------------------

هل يبون يحصرون السكان في كل مدينه

مالهم الا حل ان يعملون شرائح الكترونيه واجهزة مسح في كل شارع موصل لمدينه وهو بنفسه يحسب لهم الداخل والراجع من وقته ومو بعد عشر طعشر الف دقيقه يمكن بعد شهور او سنوات يعملون احصائيات تتغير وتكون حسابات خطا بسبب تنقل الناس

فيه اختراع لشاب سعودي وهو عباره عن خليه بحجم حبة الرز تزرع في المولود ويتم تتبعه طوال حياته ويتسجل فيها البيانات عن بعد ويتم التعرف على تحركاته وين ماراح ومتخوفين من اختراعه

لكن الظاهر ان القلم والورقه اكثر دقه والثقه فيها اكبر ولو حصل خطا فهي مجرد شخمطه على الورقه والتعديل على حسب الذاكره او صدق فلان من كذبه