قصة قصيدة‎ (ياضايق الصدر)

قصة قصيدة‎ (ياضايق الصدر)

يقول الشاعر الامير خالد الفيصل أنه كان يتمشى في حديقة منزله في الرياض هو وصاحب السمو الامير

خالد بن فهد بن خالد بن عبدالعزيز ، وكانا يسيران دون أن يتكلم منهما إلى الاخر أي كل شخص منهم

يسير دون كلام ، إلى أن تنهد الامير خالد بن فهد ( ونّ ) فقال له الامير الفيصل :

سلامات يا خالد وش سويت ؟ رد عليه الامير خالد بن فهد : لا والله ؟ ماسويت شئ ؟

فرد الامير الفيصل : وش سويت ؟ أحرقت نصف شجرنا بونتك وتنهيدتك ،

فأكملا سيرهما فألتفت الامير الفيصل إلى الامير خالد بن فهد وقال له: :
يا ضايق الصدر بالله وسع الخاطر
دنياك يا خوي ما تستاهل الضيقه

فقال له الامير خالد بن فهد :

أنا طالبك لا تقول يا خوي ، دور لك شي ناعم دور لك شي حلو أزين من كلمة يا خوي

لأني أبي أستانس بها معاك

فغير البيت الامير الفيصل وأصبح

يا ضايق الصدر بالله وسع الخاطر
دنياك يا زين ما تستاهل الضيقه


الله على ما يفرج كربتك قادر

والله له الحكم في دبرة مخاليقه

حلو العيون استهانت دمعها الحادر

كف العباير حزين الدمع ما طيقه

حسايف الحزن يغشى وجهك الطاهر

والورد في وجنتك حرام تغريقه

يفداك قلب على ما تشتهي حاضر

يفداك باللي بقى لي من معاليقه

ما فات خله ولا تهتم من باكر

وأغنم من اليوم ما ساقت توافيقه

عسى الله مايضيق لك خاطر ابو نايف
صح لسانك وسلمت يداك قصيده رائعه من شاعر رائع
الامير خالد الفيصل وهو غني عن التعريف فقد اتحفنا بجمال ابداعه الشعري
يعطيك العافيه ابو نايف ولاخلا ولاعدم
تقبل احترامي وشكري

يعطيك العافيه ابو نايف ولاخلا ولاعدم

مبدع دائما
فقلمك يعتلي القمه حرفا وخلقا
موضوع رائع من كل بستان اتيت لنا بزهره
بوركت جهودك وسلمت يداك
لك منى أجمل تحية