اناللي ياكثرماكتــب بيوت الشـعر و ارسله
على اللي حبهابقلبي تمكـن خــفت تنساني
الا ياونتاه اللي شكــى الفــرقا على خله
براه الحب بري العـود مريــض وطاح هيماني
الى مـنه جـفاك اللـي تــوده صابتك عله
ولا منه تهـيالـك تـذكّـر كلـش(ن) فاني
كثير من البشر شفتـه ولاحـد (ن) بالغلا مثله
يمـين الله ولا افـكر بعـده بواحد (ن) ثاني
الى شفت العيون السـود و رمش العين ومظله
يذوب القـلب وناقوطـه على كبدي تغشاني
ولاشفت الغصن ميـال وثمـر عوده على حله
وشَعر ليلي وغطّى الكون ظلام الليل امساني
اقول الله عليـك الله ابي مـن وجهك ابطلّه
تنور دربي المظلـم بنــور الخــد فتاني
وانا اللي طحت ولا سمو علي بالحب بسم الله
ترا من طاح و لا سمـا يصاب بمس شيطاني
مريض الحب لو شفته من الفرقا الـدمع هلّه
يقـول الحـب ليـت الحب ماجيته ولا جاني
وانا اللي ناحل(ن) جسمي مريض والهوى سلّه
ثلاث سنــين في حـبه مـريض منـه واعاني
كلمات الشاعر
ابراهيم المحارب